Maraqlı şəxslər əvvəlki bazarı məcburən yeni tikilmiş bazara köçürmək cəhdindədirlər
Maxinasiya ümumi halda dövlət dəyərlərinə ən ciddi zərbə vuran diversiya cəhdidir. Çox təəssüflər olsun ki, bir çox
hallarda bəzi məmurlar bu çirkin məqsədlərə «imza» atırlar. Məsələn, İsmayıllı rayonunda da bu tip bir olay baş verib.
Rayonun asagibaş yer deyilən hissəsində köhnə avtovağzal yaxinliğinda açılmış bazar ictimai ovqata böyük zərbə vurmaq əzmindədir. Əslində, rayonda
işlək bazar var. Əhali də öz alış-verişini oradan edir. Bəs bu ikinci bazar nə üçün açılıb? Yəni, İsmayıllı rayonunun
əhalisi bu qədər artıb ki, əvvəlki bazar öhd eləyə bilmir? Düşünürük ki, yox. Bəs səbəb nədir? Bəlkə İsmayıllı
rayonunun onlarla kənd icra nümayəndələrinin ya məcburən, ya da hansısa maraq naminə sövq edildiyi bu ikinci bazar
kimlərinsə rayon sakinlərinə diqqətinin bir təzahürüdür? Əsla. Bu ikinci bazardan başqa bir qoxu gəlir. Özü də diversiya
cəhdi təsiri bağışlayan başqa bir təhlükə yaşanır ortada (Allah qorusun!).
Hər altıncı və bazar günləri yeni tikilmiş bazarın piştaxtalarını kənd təsərrüfatı malları bəzəyir. Kənd icra nümayəndələri
məhsulları piştaxtalara düzdürür, vəziyyətin dəyişəcəyini ehtimal edirlər. Qıraqdan da adama elə gəlir ki, bu bazar
fəaliyyətdədir, lakin orada bir insan övladı görməyəndə, düşünürsən ki, bu, daha çox pul qazanmaq, daha çox şöhrətə
nail olmaqdan başqa bir şey deyil. Düşünməyin ki, bu bazarda şıdırığı alver gedir, yox, bu, sadəcə gözdən pərdə
asmaqdır. Maraqlı şəxslər əvvəlki bazarı məcburən yeni tikilmiş bu bazara köçürmək cəhdindədirlər; fəqət buna nail ola
bilmirlər. Həm də bazarın tikintisinə pul qoyan şəxslərə verilmiş vəd həyata keçmir deyə, İsmayıllıda aləm bir-birinə
dəyir.
Ola bilsin, İlham Əliyev cənablarının yenidən hakimiyyətə gəlişi kimlərinsə ürəyindən olmayıb. Bəlkə İsmayıllıdakı bu
bazar maxinasiyası bu xoşagəlməzliyin bir ünsürüdür? Birdən deyərsiz ki, xırda bir məsələ necə diversiya cəhdi ola
bilər? Atam balası, hər şey xırdadan başlayır, sonra müşkülə çevrilir. Mingəçevirdəki partlayış da xırda bir amillə əlaqəli
idi. Sonradan bütün respublika qaranlıq acısı yaşadı. Bu mənada, İsmayıllıda vəziyyət heç də yaxşıya oxşamır. Ya
maraqlı məmurlar yollarına gəlməli, ya da ölkədəki bütün sahələrə prezident nəzarət etməlidir. Əks təqdirdə, bir bazar
olayından İsmayıllı sosial partlayışa qədər gəlib çıxa bilər. Deməyin ki, bilirdik, lakin demədik...
Bizi izlyin... Arasdirmamiz davam edir Xeyal Imre
Zamantv.az
Zamantv.az