"Efirdə özlərini idarə edə bilmirlər"

"ATV maqazin onlarla"nın "Hit-parad" rubrikasının bu dəfəki qonağı müğənni Ramal İsrafilov olub.

Zamantv.az axşam.az-a istinadən bildirir ki, ifaçı onuncu yerə Ramil Nabran, Rəhim Rəhimli və Nadir Nəğd Pulun ifa etdiyi mahnını layiq görüb:


"Hər üçü partdadırlar. Bu da çıxdı, eyni tərzdə mahnıdır. Rəhim də qoşulub onlara. Amma Rəhimə demək istəyirəm ki, öz tərzində olan mahnılara ehtiyac var. O, nə etsə də, səhnə üçün edir. Yaraşır da. Geyindiklərini kim geyinir? Heç kəs. Tənqid edirlər. Amma olmaz qətiyyən. Bu insan şou göstərir".
Ramal doqquzuncu yeri müğənni Günay İbrahimlinin yeni mahnısına verib:

"Aygün xanım çox böyük sənətkarımızdır. Mahnılarını, əsərlərini sevə-sevə dinləyirəm. Amma bu mahnısı nədənsə heç ürəyimə yatmadı. Aygün Səmədzadə ruhu görmədim burda. Günay da çalışqan xanımlardan biridir. Sarı simi tərpətmədi".

İfaçı əməkdar artist Manana Çaparidzeyə aranjimançısını dəyişməyi məsləhət görüb:

"Bu xanımı çox istəyirəm. Aranjimançısı mənim mahnılarımı da aranjiman edən şəxsdir. Bir az tərzi dəyişsə, yaxşı olar. Səhnəsini də sevirəm. Bir dəqiqə yerində dayanmır. Bu xanımın mahnıları insanın qulağına 3-4 ay keçdikdən sonra oturur".

Yeddinci yerə Əhmədin "Canan"ını layiq bilən Ramal mahnını bəyəndiyini deyib:

"Mahnılarında şıltaqlıq var. Obrazlarda məktəbli qızların, oğlanların ab-havası var. Yaxşıdır, belə də getsin. Bəzi böyük-böyük danışan ulduzlar kimi, repertuarını dəyişməsin".

İfaçı Miri Yusifin mahnısına altıncı pilləni verib:

"Axır 3-4 ildir Miri Yusifi səsi moddur. İfaları da öz tərzinə uyğundur. Yəni burada böyük bəstəkarlıqdan, sənətdən söz açmağa ehtiyac yoxdur. Gündəm üçün modda olan öz tərzi ilə seçilən ifaçıdır".

İsrafilov beşinci yerə layiq gördüyü Ceyhun Əliyevin adını xatırlamayıb:

"Beşinci yerə şəkil yandıran oğlanı qoymaq istəyirəm. Qardaşlarımla, mənimlə dostdur, bizdə qalıb. Nə bilirsənsə də, aqressiyan varsa da, bunu tamaşaçılar qarşısında etmək olmaz. Ayıbdır. Böyük də düz eləməmişdi. Elza Seyidcahan Damlanın şəklini cırmışdı. Elza xanımı da başa düşürəm, əsəblərini cilovlaya biməyib. O xanımın daxili gözəldir. Sadəcə, efir qarşısında özlərini idarə edə bilmirlər. Ceyhun da düz eləmədi. Mahnı da xoşuma gəlir".

Ramal xalq artisti Brilliant Dadaşovanın duet formasında təqdim etdiyi mahnını "Hit-parad"ın dördüncü pilləsinə layiq görüb:

"Mənim bir çox mahnılarımı ifa edən sənətkarımız. Vaxtı ilə mənə dəstək olub, Brilliant xanım. Duet ortağı ilə bir məktəbdə dərs almışıq. Bəlkə mahnı o qədər də sanballı deyil. Amma Brilliant Dadaşova imzası olan hər şey dəyişilir, öz keyfiyyətini göstərir".

Sənətçi Murad Arifin mahnısına üçüncü yeri verib:

"Murad Arif çox maraqlı aparıcıdır. Yaxşı mahnılar yazır. İfaçı kimi də səsi hansısa diapozona çatır. Elə mahnılar var bir də gördün ciyildiyir. Super. Çox savadlı oğlandır".

Ramal xalq artisti Aygün Kazımova və Raufun duetinin yüksək səviyyədə olduğunu deyib:

"Mənim mahnılarımın gözəl ifaçısı, xalq artistimiz, diva və Raufun dueti. Raufu hərdən mənə oxşadırlar. Kazımova və Raufun iş birliyi çox xoşuma gəldi. Xüsusilə rəqslərini bəyənirəm. Klip, hər şey yüksək səviyyədədir. Çox əladır".

İfaçı Xatirə İslamla iş birliyinin olacağını qeyd edib və onu birinci edib:

"Xatirəni çox istəyirəm, haqqımda yaxşı sözlər demişdi. İstədiyindən deyib ki, haradadır bu ifaçılar, niyə gündəmdə deyillər. Mən rayona getmişdim. Qoyun kəsmək özü böyük bir məktəbdir. Xatirə də məndən mahnı gözləyir. Bu yaxınlarda iş birliyimiz olacaq. Mənə dedi ki, səni ikinci yerə qoydum, imkan olsaydı, birinci yerə qoyardım. Birinci yerə xalq artisti Brilliant Dadaşovanı qoydum. Biz böyüklərə hörmət edirik axı. Sən böyüyə hörmət etdiyinə görə də təşəkkür edirəm. Mən də səni birinci yerə layiq görürəm. Mahnı hit olmasa da olar, səsi gözəldir".

Ramal onluqdan Niyam Salamini uzaqlaşdırıb.

Zamantv.az