Azərbaycanın Qazaxıstandakı səfiri haqda sensasion iddialar - İTTİHAM

12:00 26.06.2018 544

Azərbaycan Respublikasının Qazaxıstandakı fövqəladə və səlahiyyətli səfiri Rəşad Eynəddin oğlu Məmmədov, barəsində mediada tənqidi məqalə dərc olunan azsaylı dipolamtlardandır. Lakin Hurriyyet.org-un əldə etdiyi faktlar onun heç də qüsursuz fəaliyyət göstərdiyini deməyə əsas vermir. Sadəcə, uzun illərdir diplomatik fəaliyyətlə məşğul olan R.Məmmədovun öz qanunsuz əməllərini gizləməkdə kifayət qədər peşəkar olduğunu deyə bilərik. Bütün bunlar haqda məlumat verməzdən öncə, səfir R.Məmmədovu oxucularımıza daha yaxından tanıdaq.

1973-ci ildə Gəncə şəhərində anadan olan Rəşad Məmmədovun tərcümeyi-halına diqqət yetirdikdə məlum olur ki, cəmi 17 yaşından – 1990-cı ildən Ədliyyə Nazirliyi Aparatında kargüzar vəzifəsində çalışıb. 1992-94-cü illərdə hərbi xidmətdə olub. 1994-cü ildə Bakı Hərbi Prokurorluğunun mühafizə bölməsində çalışıb...

Maraqlıdır ki, səfirin CV-də 1995-ci ildə Bakı Dövlət Universitetinin Hüquq fakültəsini bitirdiyi, 2002-2004-ci illərdə G.Plexanov adına Rusiya Dövlət İqtisad Akademiyasında magistr dərəcəsi əldə etdiyi, 2006-2007-ci illərdə Avropa Şurasının Bakı siyasi biliklər məktəbində təhsilini davam etdirdiyi qeyd olunur.
Azərbaycanın Qazaxıstandakı səfiri haqda sensasion iddialar - İTTİHAM
Səfirliyə gedən yol...
Azərbaycanın Qazaxıstandakı səfiri haqda sensasion iddialar - İTTİHAM
O ki qaldı əmək fəaliyyətinin davamına, məlumata əsasən, R.Məmmədov 1995-də Hərbi Prokurorluqda müstəntiq, 1996-2000-ci illərdə Bakı Hərbi Prokurorunun köməkçisi vəzifəsində çalışıb. 2000-2001-də Xarici İşlər Nazirliyinin MDB idarəsində attaşe, 2001-2006-cı illərdə Azərbaycan Respublikasının Rusiya Federasiyasındakı Səfirliyində üçüncü, daha sonra isə ikinci katib olaraq fəaliyyətini davam etdirib. 2006-2008-də Xarici İşlər Nazirliyinin Konsulluq idarəsində, daha sonra Hüquq şöbəsinin müdiri vəzifəsində çalışıb. 2008-2010-ci illərdə Azərbaycan Respublikasının Qazaxıstan Respublikasının Aktau şəhərindəki Baş Konsulluğunda konsul vəzifəsini icra edib. 2010-2015-ci illərdə Azərbaycan Respublikasının Qazaxıstan Respublikasının Aktau Şəhərindəki Baş Konsulu olub. 2015-ci ildən isə Azərbaycan Respublikasının Qazaxıstandakı fövqəladə və səlahiyyətli səfiri vəzifəsində çalışır.

Eyni ildə ali təhsil və hərbi xidmət...

Göründüyü kimi, səfirin tərcümeyi-halı ilə tanış olduqda bir sıra təzadlar ortaya çıxır. Birincisi, qeyd etdiyimiz kimi, R.Məmmədov orta məktəbi bitirər-bitirməz – 17 yaşında Ədliyyə Nazirliyi Aparatında necə çalışa bilərdi? Deyək ki, bu, mümkün olub. Bəs, 1990-cı ildə orta məktəbi, 1995-ci ildə isə BDU-nu əyani olaraq bitirdiyi halda, 1992-1994-cü ildə necə hərbi xidmət keçə bilib? Axı, hətta qiyabi təhsil alsa belə, onun təhsil aldığı dövrdə paralel olaraq iki illik hərbi xidməti başa vurması mümkün deyildi. Deməli, səfirin tərcümeyi-halında nələrsə düzgün əks olunmayıb.

İlk baxışdan belə aydın olur ki, R.Məmmədov ya BDU-nun Hüquq fakültəsində oxumayıb, ya da deyildiyi vaxtda hərbi xidmətdə olmayıb. Buradan isə bir sıra suallara meydana gəlir: səfir ali təhsil almayıbsa, yuxarıda sadaladığımız vəzifələrdə necə çalışıb? Yox, həqiqətən də BDU-nun Hüquq fakültəsini bitiribsə, demək, hərbi xidmətdə olmayıb. Bəs bu halda Bakı Hərbi Prokurorluğunda, Xarici İşlər Nazirliyinin MDB idarəsində attaşe, Azərbaycanın Rusiya Səfirliyində katib, XİN-də Hüquq şöbəsinin müdiri, eləcə də Azərbaycanın Aktaudakı Baş konsulu vəzifələrində necə çalışıb? Əlbəttə, bütün bu suallara səfir R.Məmmədovun özü cavab versə, daha yaxşı olardı. Ona qədər isə, Rəşad Məmmədovun diplomatik fəaliyyəti ilə bağlı redaksiyamıza daxil olan bir sıra informasiyalarla oxucularımızı tanış edək.

Azərbaycanın Qazaxıstandakı səfiri haqda sensasion iddialar

Səfirdən daha çox iş adamı...

Artıq dəyərli oxucularımıza da bəlli olduğu kimi, cənab Məmmədov Azərbaycan Respublikasının Rusiya Federasiyasındakı Səfirliyində üçüncü və ikinci katib vəzifələrində çalışıb. Mənbə bildirir ki, hələ Rusiyada magistr təhsili aldığı illərdən bu ölkənin müəyyən dairələri ilə işbirliyinə cəlb olunan R.Məmmədov, diplomatik fəaliyyətə başladıqdan sonra bu əməkdaşlıq daha da inkişaf etdirilib. Nəticədə onun önündə bir çox bağlı qapılar taybatay açılıb. Məsələn, 2006-2008-ci illərdə XİN-də önəmli fiqura çevrilməsi, 2008-2010-da Aktauda Baş konsulun səlahiyyətlərini icra etməsi, 2010-da Baş konsul vəzifəsinə təyin olunması heç də Məmmədovun öz gücünə baş verməyib. O cümlədən Baş konsul təyin olunduqdan sonra Aktauda böyük biznes şəbəkəsi qurmasında da bu əlaqələrin ciddi rol oyandığı bildirilir. Yeri gəlmişkən, hazırda da istər Aktauda, istər də Qazaxıstanın digər iri şəhərlərində, məsələn Astana və Almatıda biznes şəbəkəsini günbəgün genişləndirən səfiri bəzi dairələrdə daha çox iş adamı kimi tanıyırlar.

Baş konsul vəzifəsindən geri çağrılma səbəbi...

Mənbə deyir ki, Rəşad Əliyevin 2015-ci ildə Baş konsul vəzifəsindən geri çağrılması heç də səbəbsiz olmayıb. Belə ki, burada onun səlahiyyətlərindən kənar fəaliyyəti və öz vəzifəsini lazımı şəkildə icra edə bilməməsi əsas rol oynasa da, sonradan yenə də Rusiyadakı “gizli əl”in müdaxiləsi, o cümlədən də ruspərəst məmurların ölkə başçısına yanlış məlumatlar verməsi nəticəsində daha yüksək vəzifəyə - səfir postuna təyin olunduğu bildirilir.

Yeri gəlmişkən, mənbə onu da deyir ki, səfir Rəşad Məmmədovun gözlə görünən fəaliyyətini ümumilikdə müsbət qiymətləndirmək olar: “Məsələn, o, hər il ümumilli lider Heydər Əliyevin anım və doğum günlərini, Xocalı soyqırımını, Azərbaycanın müstəqillik gününü və s. əlamətdar günləri qeyd edər. Çalışar ki, bu tədbirlər haqda mediada çoxsaylı məlumatlar getsin, hətta bunun üçün külli miqdarda vəsait də xərcləyər. Ona görə ki, Rəşad Məmmədovun səfir kimi varlığını yalnız bu tədbirlər, bir də ara-sıra keçirdiyi bəzi rəsmi görüşlər təsdiq edir. Hansı ki, bu görüşlərin də əksəriyyətində o, Qazaxıstan rəsmilərindən bu və ya digər şəxsi ricalarda bulunar”.

Mənbə vurğulayır ki, səfir əksər çıxışlarında Qazaxıstanda 300 minə yaxın soydaşımızın yaşadığını və Azərbaycanın 800-dən artıq şirkətinin fəaliyyət göstərdiyini deyir. “Lakin ona sual verən yoxdur ki, indiyə kimi təmənnasız olaraq bircə soydaşımıza dəstək göstərmisən, yaxud həmin 800 şirkətdən neçəsi sənin və yaxınlarınındır, eləcə də neçə şirkətə və nəyin müqabilində “krışalıq” edirsən” – deyə mənbə bildirir.

Səfirin 50 milyonluq yatırımı...

Məlumata əsasən, səfirin iri biznes layihələrindən biri də 2018-də açılması nəzərdə tutulan böyük transformator zavodudur. Minlərlə işçinin fəaliyyət göstərəcəyi bu zavoda təxmin 50 milyon dollar yatırım qoyulduğu bildirilir. Məlumat görə, Rəşad Məmmədov zavodun qeyri-rəsmi şəriklərindən biridir və burada əsas payçı səfirin yaxın adamıdır.

Və Avropa Şurasının Siyasi Biliklər Məktəbi

Sonda mənbə onud da dedi ki, səfir Rəşad Məmmədov əksər tədbirlərdə Avropa təhsilli olmasından ağız dolusu danışır. Halbuki onun tərcümeyi-halında əks olunan və 2006-2007-ci illərdə təhsil aldığı Avropa Şurasının Siyasi Biliklər Məktəbində cəmi 3 səyyar seminarda iştirak etdiyi və Strasburqda bir həftəlik Yay Universitetində kurs keçdiyi bildirilir. Bu isə səfirin nə dərəcədə Avropa təhsilli olduğunun bariz nümunəsidir...

Azərbaycanın Qazaxıstandakı səfiri haqda sensasion iddialar
Azərbaycanın Qazaxıstandakı səfiri haqda sensasion iddialar - İTTİHAM
Hurriyyet.org

Redaksiyadan: Yazıda qeyd olunanlarla bağlı Azərbaycanın Qazaxıstandakı səfirliyinin və şəxsən səfir Rəşad Məmmədovun mövqeyini dərc etməyə hazırıq.
Azərbaycanın Qazaxıstandakı səfiri haqda sensasion iddialar - İTTİHAM
Zamantv.az
Oxşar xəbərlər

XƏBƏR LENTİ

19:04

Papanın səhhəti yaxşılaşıb

18:42

Putin seçki üçün 317 milyon pul xərcləyib

18:18

Nağdsız ödənişdən yayınanlar barəsində tədbir görüləcəkmi? - Ekspertlər danışır...

17:32

Diplomsuz cərrahları kim qoruyur? - Sabiq nazir müavini rəsmən yalan danışdı

17:06

Gəncə şəhər Şəhidlər Xiyabanı zibil içindədir - VİDEOFAKT

16:38

Həbibullayev Prezidentin göstərişlərini NİYƏ ÖNƏMSƏMİR? - ÖZBAŞINALIQ!

15:53

Bəs Xalid Ələkbərova nə yaxşı SÖZ DEYƏN YOXDUR?.. - Ortada bunca məqamlar varsa...

15:24

İşçinin taleyi əgər Qağaməlinin ümidinə qaldısa.... - VAY HALINA...

14:06

Gəncə İcra Başçısı haqda maraqlı iddia və maşın kolleksiyası - Dövlət büdcəsini evinə daşıyıb ki...

13:32

Araz Paşayevə məxsus şirkət hansı qurumlarla işbirliyində olub və nə qədər dövlət vəsaiti silib - İLGİNC FAKTLAR

11:32

Rəis 6 saylı məntəqə tipli cəzaçəkmə müəssisəsini "bazar"a çevirib - İTTİHAM VAR...

10:54

Sakinlər problem içində... rəsmi qurumlar isə ancaq vəd verir... - Başçı da ki yox kimidir...

09:59

Gülağa Bağırov 1 milyonu NEYNƏDİ? - Bir soruşan olsa...

09:29

Təhlükəsizlik orqanlarının yaranmasının 105 illiyi

21:37

Ağalarovlardan terror qurbanlarına 100 milyonluq yardım

21:10

İlhamə Abdullayeva Gülnaz Kırimovanı O isə öz vasalının qanundan kənar əməllərini gizlədir - FAKTLAR

20:41

Ramazanın 18-ci gününün DUASI

19:14

Taleh Qaraşov kimi problemli və “klassik” məmur... - NİYƏ GETMƏLİDİR?

18:45

Kamran Əliyev vəzifəsindən azad edilib - ƏMR

16:04

Vüqar Kərimovla iş adamı Tehran Lətifovun işbirliyi Şəkidə nə qədər ağacın kəsilməsinə səbəb olub

15:29

Parkinq sabotajı:Məmurların pul qazanmaq ehtirası, yoxsa...

14:43

İlham Əliyev BDU-ya rektor TƏYİN ETDİ

14:21

Nərimanov ərazisində yerləşən yanacaqdoldurma məntəqəsi SAXTAKARLIQ EDİR - ETİRAZ

13:08

Təhsil Tələbə Krediti Fondunun İdarə Heyətinin sədrinə ağır ittihamlar:məmur bacı-qardaşlarından ibarət mütəşəkkil dəstə...

12:24

Avropa Oyunları 2027-ci ildə İstanbulda keçiriləcək

11:44

“Gənclik Mall”da autizmli gəncin döyülməsini ört-basdır etməyə çalışıblar? - FOTO

10:38

Ermənistan sərhəddəki kəndi Gürcüstana verir? - “Joğovurd”

09:58

6 ay yataq xəstəsi olduğu üçün işdən çıxarıldı - GİLEY

09:29

Sosial şəbəkələrdə özünü AzTV-nin “prezident müxbiri” kimi təqdim edən şəxs görün hansı əxlaqı göstərir… - VİDEOFAKT

09:01

Nə zamana qədər ki, Qağaməli Seyfullayev kimiləri meydan sulayır... - ETİRAZ

17:54

Ov mövsümü hamı üçün bitib? - Restoranlar çöl quşlarından kabab təklif edirlər - VİDEO

17:10

Bir ailənin 6 üzvü qəzada ÖLDÜ

16:09

Bakıda liftdən meyit tapıldı

15:02

Braziliya tarixinin 10 ən yaxşı hücumçusu