"Bu hadisələri qətiyyən təxribat kimi qiymətləndirmirəm, mənə elə gəlir ki..."

Bir neçə gündür İmişlidə və onun ardınca daha bir neçə rayonda pampıq sahəsində çalışanların zəhərlənməsi ictimaiyyətin diqqət mərkəzindədir

Hadisənin bir-birinin ardınca müxtəlif bölgələrdə baş verməsi insanları təxribat ehtimalını düşünməyə vadar edir. Bəzi media vasitələrində bunun yeni kənd təsərrüfatı nazirinə qarşı kampaniya ola biləcəyi ehtimalı vurğulanmaqdadır.

Olay baş verən günü İmişlidə zərərçəkənlərlə görüşən Milli Məclisin deputatı Çingiz Qənizadə Moderator.az-a açıqlamasında təxribat ehtimalını tamamilə rədd edib. Millət vəkili bildirib ki, problemin qaynağını istifadə edilən dərmanın kimyəvi tərkibində axtarmaq lazımdır:

“Mən bu hadisələri qətiyyən təxribat kimi qiymətləndirmirəm. Mənə elə gəlir ki, istifadə edilən dərmanın tərkibində nə isə düzgün olmayan qatqılar ola bilər. Söhbət ancaq bundan gedə bilər”.

Deputatın sözlərinə görə, dünən, yəni ayın 21-də İmişlidə yenidən 24 nəfərin zəhərlənməsi belə düşünməyə əsas verir: “Məlum olub ki, həmin sahədə dərmanlama iyunun 2-də həyata keçirilib. Üstündən 19 gün keçəndən sonra belə hal başverirsə, bu, o deməkdir ki, dərmanların tərkibi yoxlanmalıdır”.(modeator.az)

Zamantv.az