Ölkə prezidenti cənab İlham Əliyev xalqın tələbi ilə 11 aprel 2018- ci il tarixində
Prezident seçildikdən sonra vəzifə səlahiyyətlərindən sui istifadə edən rüşvətxor və
korrupsioner məmurlara qarşı mübarizəyə başlaması xalqda böyük ruh yüksəkliyi
yaradıb. İnsanlarımız cənab Prezidentin öz xalqına olan sevgisinə əmindir və
inanırlar ki, ölkə vətəndaşlarına qarşı haqsızlıq edən və onların problemlərinə
sayğısız yanaşan hər bir məmur öz layiqli cəzasını alacaqdır.
Əmək qabiliyyətini itirib və əlillik dərəcəsi almaq üçün müraciət edən, lakin
Lənkəran Rayon Mərkəzi Xəstəxanası ilə Əmək və Əhalinin Sosial Müdafiə
nazirliyinin Tibbi Sosial ekspert kimissiyasının aralarında yaratdıqları süni
əngəlliklər nəticəsində, buna nail ola bilməyən Lənkəran rayon sakinlərinin
ümidləri hələ də, tam bitməyib.
Lənkəran rayonu, Velədi kəndinin sakini, 20.12.1959 -cu il təvəllüdlü Orucova
Sucabə Qənbər qızı 2010- cu ildən “ürəyin gərginlik stenokardiyası III dərəcəli tez-
tez tutulması” diaqnozu ilə Lənkəran Rayon Mərkəzi Xəstəxanasında uzun müddət
müalicə alıb. Hal- hazırda ev şəraitində müalicə alır.
Ona əlillik dərəcəsi təyin olunması üçün, elektron qaydada Lənkəran Rayon
Mərkəzi Xəstəxanası tərəfindən 08.01. 2016- cı il, 19.02. 2016- cı il, 03.06.2016-
cı il, 28.02. 2017- ci il, 25.04. 2017- ci il, 01.12. 2017- ci il, 08.01. 2018- ci il və
son dəfə 21.05. 2018- ci il tarixlərində Forma 88 nömrəli 0284003AAGPQ saylı
Tibbi Sosial Ekspert Komissiyasına edilən müraciətlərə imtina bildirişi gəlmiş və
həmin bildirişlərdə imtinaya səbəb “əlavə müalicəyə ehtiyacı var” olması
göstərilir.
Lənkəran Rayon Mərkəzi Xəstəxanasının baş həkimi Ağabala Kəlbiyev, baş
həkimin müavini Taleh Məmmədov və poliklinkanın müdiri Zahir Axundov
bildirirlər ki, əlillik dərəcəsi ilə bağlı Lənkəran Rayon Mərkəzi Xəstəxanası
tərəfindən Tibbi Sosial Ekspert Komissiyasına göndərilən Forma 88 saylı
göndərişlər tam düzgün doldurulub. Lakin Tibbi Sosial Ekspert Komissiyası
bilərəkdən həmin göndərişləri təsdiq etməyib, imtina verir.
Tibbi Sosial Ekspert Komissiyasının hazırki rəhbəri Gülnarə Hacıyeva isə deyir ki.
Tibbi Sosial Ekspert Komissiyası yalnız Mərkəzi Xəstəxanaların göndərişlərində
xəstələrin xəstəliyi əsasında onların sənədlərinə rəy verir.
Əlillik dərəcəsinə möhtac olan vətəndaşların talelərini futbol topuna çevirib bir-
biri ilə ötür- ötür oyunu oynayan, bu iki komanda tərəfindən hüquqları pozulan,
maddi və mənəvi təzyiqlərə məruz qalan vətəndaşlarımıa, düşdükləri bu acınacaqlı
vəziyyətləri barədə aidiyyatı qurumlara müraciətlər etsələr də, lakin müraciətləri
cavabsız qalır və qanunamüvafiq heç bir tədbir görülmür. Elə bil ki, xəstələrin
müraciətləri “Bermud üçbucağı” na düşüb batır.
Əmək və Əhalinin Sosial Müdafiəsi naziri Sahil Babayev nazirlikdə baş verən
bütün neqativ halları aradan qaldırmaq üçün bir sıra tədbirlər görüb və yeni işçi
qurupu yaratsa da, lakin Tibbi Sosial Ekspert komissiyası ilə Lənkəran Rayon
Mərkəzi Xəstəxanası arasında ənənəvi üsulla gedən ötür- ötür oyunu hələ də ,
davam edir və bu oyununun qurbanlarının sayı gündən – günə artır.
Zahid Səmədov
Zamantv.az