Oliqarx-dələduz Yusifovun işində sensasion faktlar, Hans Almaniyadan gəlib danışdı

14:52 5.06.2018 560
Oliqarx-dələduz Yusifovun işində sensasion faktlar, Hans Almaniyadan gəlib danışdı














Azərbaycandan neft məhsullarının alqı-satqısından tutmuş Sierra-Leonedə almaz yataqlarında hasilat işlərinə qədər ən müxtəlif və qaranlıq işlərlə məşğul olan müəmmalı biznesmen-oliqarx, milyonlarla dollarlıq dələduzluq əməlində ittiham olunan Ələddin Yusifovun işi üzrə məhkəmə prosesində yenə sensasion məlumatlar açıqlanıb. Virtualaz.org xəbər verir ki, iş üzrə məhkəmədə Ələddin Yusifov və onun aldadaraq milyonlarla avro pulunu mənimsədiyi almaniyalı iş adamı Hans-Georq Tomas ifadə veriblər. Hər iki tərəf səs-küylü məlumatlar açıqlayıb.

Xatırladaq ki, Ələddin Yusifov Almaniya vətəndaşı, alternativ və bərpa olunan enerji mənbələri üzrə layihələr həyata keçirən “Airwerk” şirkətinin sahibi Hans-Georq Tomasa 6 milyon avro “atmaqda” ittiham olunur. Həmin ittihamın detalları barədə virtualaz.org ötən həftə sonu geniş yazıb. (Bax: http://virtualaz.org/last/119507)

Bundan əvvəl zərərçəkən səhhətinə görə Almaniyadan Bakıya gəlib istintaqda iştirak edə bilməmişdi və “Skype” vasitəsilə ifadə vermişdi. İndi isə Hans-Georq Tomas artıq Bakıdadır və məhkəmədə onun milyonlarla avro pulunu dələduzluq sxemi ilə ələ keçirən Yusifovun əməlləri barədə danışıb. Habelə zərərçəkmişin təqsirləndirilən şəxsə qarşı dəyən ziyanın ödənilməsinə dair mülki iddia qaldırdığı məlum olub.



Yusifov kimin pullarını “fırladırdı”?

Prosesdə əvvəlcə təqsirləndirilən Ə.Yusifov ifadə verib. O, özünü kifayət qədər uğurlu iş adamı kimi təqdim edib, deyib ki, həbs olunana qədər bir neçə ölkədə şirkətləri olub, illik dövriyyəsi 50 milyon, gəliri isə 10 milyon dollara yaxın idi.

Ə.Yusifov ifadəsində 2010-cu ildə Georg Tomasın şirkətin iki əməkdaşı ilə birgə işgüzar münasibətlər yaratmaq üçün onun yanına gəldiyini deyib: “Onların anketini çıxartdırdım və Almaniyada heç bir uğur əldə etmədiyini öyrəndim. “Airwerk” şirkətinin hesabında heç 1 dollar da pul yox idi. Alternativ külək enerjisi ilə bağlı Azərbaycan tərəfi həmin şirkətə 104 milyon avro ayırmışdı. Georg Tomas və onun işçiləri bir il mənim ofisimdə oturublar. Otuz nəfər işçim bunlar üçün havayı işlədilər. Sonradan həmin ofisi girov əvəzi götürdülər”

Azərbaycanın küləyə verilən 140 milyon dolları

Yusifovun bildirdiyinə görə həmin vaxt “Airwerk” şirkətinin rəhbəri başqa şəxs – Holqar Hart idi. Lakin məhkəmədə ona qarşı mülki iddianı Hans-Georg Tomas qaldırıb. Təqsirləndirlən şəxs iddia edir ki, bunu alman maliyyə təşkilatları da təsdiq edə bilərlər.



“ Bu adamlar Azərbaycanda qanunsuz fəaliyyət göstəriblər”-o deyib.

Ə.Yusifovun ifadəsinə görə, “Airwerk” şirkəti işlərini görmək üçün onun şəxsi hesabına 2 milyon avro pul köçürüb: “Mənim şirkətim bunların tenderində iştirak edib, tenderdə qalib gəlib. Amma sonra başqa adamın adına yönəltdilər. Həmin puldan 1 milyonunu şirkətin rəhbəri Holqar Harta, 200 minini Elşən Şıxkərimova (alman şirkətinin Azərbaycan və Orta Asiya üzrə təmsilçisi-red.) , yerdə qalanını isə Qazaxıstandakı şirkətə neft məhsulları almaq üçün köçürdüm. Bu günə qədər də Qazaxıstandakı şirkətdən pulumu geri ala bilmirəm”.

Ə.Yusifov adına xarici ölkələrdə ofşor hesablar olduğunu etiraf edib. Deyib ki, “Airwerk” şirkəti Azərbaycanda iş görmək üçün onun offşor hesabına 4 milyon avro pul köçürdü. Anlaşmaya görə o da qazancı nəğd şəkildə hissə-hissə Elşən Şıxkərimova verirdi

“Hətta Sənaye Nazirliyinin əməkdaşı olan Mehdi adlı şəxsin yanında Elşənə 4 miyon dollar pul vermişəm. 2014-cu ildə Elşən mənə sms yazdı ki, “bizə 300 min dollar verəcəyin qalıb”. Mən də xaricdəydim, gəlib ofisimi girov qoydum. Dedim ki, satıb, borcumu verərəm”-Yusifov deyib.



Alman iş adamı Yusifovun fantaziyasına heyrandır

Daha sonra zərərçəkmiş qismində alman vətəndaşı Hans- Georg Tomas ifadə verib. Keçmiş biznes ortağının ifadələrinə diqqətlə qulaq asdığını deyən G.Tomas onun fantaziyasına heyran qaldığını bildirib.

Almaniyalı iş adamının ifadəsindən: “Biz Azərbaycanda 125 milyon dollarlıq lahiyə (Söhbət Alternativ və Bərpa olunan Enerji üzrə Dövlət Agentliyinin “Yeni Yaşma” külək-elektrik stansiyasının tikintisi üçün verdiyi sifarişdən gedir-red.) udmuşduq. Yerli şirkətlərə podratçılar qismində təxminən 45 milyon dəyərində işlər vermişdik. Düzdü, Ələddinin ofisindən istifadə etmişik, lakin tenderlə bağlı işləri özümüz hazırlamışıq. Ələddin o vaxt özünü bizə inşaat rəhbəri kimi təqdim edib, tenderdə işi qazanmışdı. Biz onun inşaat sahəsində bacarıqlı insan olmadığını gördük. Onun inşaat üçün lazimi texnikası belə yox idi. Biz də tenderi ona vermədik. Amma onunla münasibətlərimizi davam etdirdik. Sonra Ələddin neft məmulatlarının alqı-satqısı ilə məşğul olduğnu dedi. Onun bu söhbətləri məni maraqlandırmağa başladı”.

“Əvvəl “Texnikabank”a 2 milyon avro köçürdüm…”



Alman vətəndaşı ifadəsində Ə.Yusifovun “Texnikabank”dakı hesabına 2 milyon avro pul köçürüldüyünü deyib. Bildirib ki, Ələddin sonradan məbləğin artırılmasını artırmasını istədi. Lakin pulları Bakıdakı hesabına deyil, Latviyadakı hesabına (“Parex Banka” bankında Yusifovun offşor şirkətinin hesabı) köçürməyi istəyib.

Hans-Georg bildirib: “Ona bir iş adamı kimi etibar edirdim. Ələddinə cəmi 6 milyon avro pul köçürdük. Ələddin Yusifovun bizdən aldığı pullara Afrikada qızıl yataqları aldığını demişidi. Ümumiyyətlə, Ələddini bir yerdə tapmaq çətin olurdu, gah Afrikaya gedirdi, gah da başqa ölkələrdə olurdu. Sonradan məlum oldu ki, prokurorluqda onun işi ilə bağlı araşdırma aparılır. Biz öyrəndik ki, o, Afrikada neft deyil, qızıl yataqları alıb. Ələddinlə sonuncu dəfə 2015-ci ildə görüşdüm və ona pullarımızı qaytarmasını tələb etdim. Bildirdi ki, guya pulları kiməsə qaytarıb, bizə borcu yoxdur. Sonra villasını bizə təklif edib, girov kimi qoydu. Hamısını yalan danışır. Mənim 12 şirkətim var. Həmçinin, Qazaxıstanda da şirkətim var. Özüm ora pul köçürə bilərdim. Ələddinə nə ehtiyac vardı? Ötən cümə günü Qazaxıstana pul köçürmüşəm. Mənim Ələddinə qarşı kinim, nifrətim yoxdu. Amma mənim 3 milyon pulumu geri qaytarsın. Mən pulu faizlə də tələb edərdim. Amma ədalətli olmağı tərcih edirəm. Əgər 5 milyon qaytararsa villasını da geri verə bilərəm. Mənə o villa lazım da deyil”.

İş üzrə məhkəmə prosesi davam edir.

Oliqarx-dələduz Yusifovun işində sensasion faktlar, Hans Almaniyadan gəlib danışdı

Oliqarx-dələduz Yusifovun işində sensasion faktlar, Hans Almaniyadan gəlib danışdı


Oliqarx-dələduz Yusifovun işində sensasion faktlar, Hans Almaniyadan gəlib danışdı

Oliqarx-dələduz Yusifovun işində sensasion faktlar, Hans Almaniyadan gəlib danışdı
Zamantv.az
Oxşar xəbərlər

XƏBƏR LENTİ

16:50

Azərbaycanda yemək tenderi «çempionları» - 2 şirkətə 80 milyonluq sifariş

16:30

Göytəpə meşəsində "soyqırım": 20 gündə minlərlə ağac kəsilib - BU NƏDİ BELƏ?!

15:57

Aydın Talıbovun rəhbərlik etdiyi holdinqə daxil olan şirkət cərimələnir

15:38

Talıbovların Naxçıvanda geridönüşü, yoxsa... - NƏ BAŞ VERİR?

14:35

“Axırıncı dəfə maşını 60 il qabaq sürmüşəm, nə cərimə?” – Ramiz Mehdiyev

14:06

Xaçmaz rayon icra şöbəsinin məmurundan ÖZBAŞINALIQ! - Nazirə müraciə olundu

13:20

BŞİH-də Anar Qalayevin də fəaliyyəti müzakirəyə çıxarılsın -Eldar Əzizova təklif

12:48

Şəki Uşaq İncəsənət Məktəbinin direktorunda topdağıtmaz sərvət haradandır? –Adil Kərimlinin menyusuna

12:05

Məhkum Ədliyyə Nazirini “zon”a dəvət etdi – ŞOK səs yazısı

11:27

Sahil Babayevin DOST TV-si nazirin MƏTBU ÇƏTİRİ rolunda... - İDDİA

10:57

Vətəndaşa kələk gələn “Access Bank” özü qurban gedir – İFLAS

10:17

Səhiyyə Nazirliyi İTTİHAM OLUNUR - "Nə zamana kimi belə addımlarınız olacaq?"

09:24

“Mənə vəzifəli şəxsin köməyi ilə 185 min dollar ziyan vurub”

09:00

“Tariyel Əkbərov deyir ki, nazirlikdən bizə heç nə göndərmirlər” - NARAZILIQ VAR...

22:53

Bu gecə ilk Qədr gecəsidir

22:15

İrəvan Rusiya ilə münasibətləri qəsdən pozur - Moskvadan xəbərdarlıq

21:46

Ramazanın 19-cu gününün duası - İmsak və iftar vaxtı

21:26

Sabirabadda dəhşətli "təmizlik" aksiyası - vətəndaş müraciəti

19:04

Papanın səhhəti yaxşılaşıb

18:42

Putin seçki üçün 317 milyon pul xərcləyib

18:18

Nağdsız ödənişdən yayınanlar barəsində tədbir görüləcəkmi? - Ekspertlər danışır...

17:32

Diplomsuz cərrahları kim qoruyur? - Sabiq nazir müavini rəsmən yalan danışdı

17:06

Gəncə şəhər Şəhidlər Xiyabanı zibil içindədir - VİDEOFAKT

16:38

Həbibullayev Prezidentin göstərişlərini NİYƏ ÖNƏMSƏMİR? - ÖZBAŞINALIQ!

15:53

Bəs Xalid Ələkbərova nə yaxşı SÖZ DEYƏN YOXDUR?.. - Ortada bunca məqamlar varsa...

15:24

İşçinin taleyi əgər Qağaməlinin ümidinə qaldısa.... - VAY HALINA...

14:06

Gəncə İcra Başçısı haqda maraqlı iddia və maşın kolleksiyası - Dövlət büdcəsini evinə daşıyıb ki...

13:32

Araz Paşayevə məxsus şirkət hansı qurumlarla işbirliyində olub və nə qədər dövlət vəsaiti silib - İLGİNC FAKTLAR

11:32

Rəis 6 saylı məntəqə tipli cəzaçəkmə müəssisəsini "bazar"a çevirib - İTTİHAM VAR...

10:54

Sakinlər problem içində... rəsmi qurumlar isə ancaq vəd verir... - Başçı da ki yox kimidir...

09:59

Gülağa Bağırov 1 milyonu NEYNƏDİ? - Bir soruşan olsa...

09:29

Təhlükəsizlik orqanlarının yaranmasının 105 illiyi

21:37

Ağalarovlardan terror qurbanlarına 100 milyonluq yardım

21:10

İlhamə Abdullayeva Gülnaz Kırimovanı O isə öz vasalının qanundan kənar əməllərini gizlədir - FAKTLAR