“VÜQAR SƏFƏRLİ DEDİ Kİ, EV VERİBLƏR, BƏSİNİZDİR…” – “Jurnalist binaları”nın sakinləri bütün səlahiyyətli qurumların diqqətindən kənarda qalıb

10:26 22.05.2020 405
“VÜQAR SƏFƏRLİ DEDİ Kİ, EV VERİBLƏR, BƏSİNİZDİR…” – “Jurnalist binaları”nın sakinləri bütün səlahiyyətli qurumların diqqətindən kənarda qalıb
KİVDF xəttilə Səbail rayonunda jurnalistlər üçün tikilən binalarda müqavilə üzrə nəzərdə tutulan xidmətlər ya göstərilmir, ya da onların səviyyəsi olduqca aşağıdır.
Xatırladaq ki, birinci bina 2013, ikinci bina 2017-ci ildə təhvil verilib. 7 ildir ərazidə məskunlaşma olduğu halda burada heç bir infrastruktur yaradılmayıb. Ərzaq dükanı, aptek, bankomat, hətta dayanacaqda Bakıkart-ı yükləmə aparatı belə yoxdur. Hələ digər sosial təsisləri demirik…
Hurriyyet.org-un araşdırması nəticəsində məlum olub ki, bu məsələlərlə bağlı dəfələrlə KİVDF-nin keçmiş rəhbəri Vüqar Səfərliyə və Səbail rayonunun icra başçısı Vüqar Zeynalova müraciət edilsə də, heç bir nəticəsi olmayıb. Hətta Vüqar Səfərli müxtəlif səviyyəli söhbətlərdə ərazidə yaşayan jurnalistlərin təkliflərini “ev veriblər, bəsinizdir” sözlərilə rədd edib.
Məlumat üçün qeyd edək ki, jurnalistlərin KİVDF-yə təklifləri bundan ibarət olub:
1. Əraziyə normal ünvan verilməsi;
2. Mənzillərdə hər kvadrat üzrə aylıq ödənişlərin 50 qəpikdən 30 qəpiyə salınması;
3. Ödənilən məbləğ üzrə nəzərdə tutulan tədbirlərin görülməsi – bina girişlərinin, liftlərin təmizliyi, ərazinin normal mühafizəsi, girişlərdə və mərtəbələrdə işıqlandırma, eləcə də kamera sisteminin davamlı işləməsi;
4. Toplanan xidmət haqqından ərazinin abadlaşdırılması üçün vəsait ayrılması;
5. Bakı şəhər və Səbail rayon icra hakimiyyətləri, Bakı Nəqliyyat Agentliyi qarşısında supermarket və digər xidmət obyektləri, bağça, marşrut yaradılması məsələlərinin qaldırılması;
6. Ekologiya və Təbii Sərvətlər Nazirliyinin xətti ilə əkilən 500 ağacın suvarılmasının və baxımının təşkil edilməsi.
Təəssüf ki, qaldırılan məsələlər hələ də həllini gözləyir.
Normal ərzaq satışı şəbəkəsinin olmaması 2 jurnalist binasının ən ciddi problemidir. Jurnalistlərin birinci binasının birinci mərtəbəsi iaşə xidmətləri üçün nəzərdə tutulsa da qısa zamanda bura “Kaspi” Tədris Mərkəzi yerləşdirildi və hələ də fəaliyyət göstərir. İkinci binanın birinci mərtəbəsi isə bütün müasir tikinti konseptlərinə zidd olaraq yaşayış sahəsidir. Nəzərinizə çatdıraq ki, ikinci binanın birinci mərtəbəsi binanın qarşısından keçən magistral yoldan 2-3 metr aşağıda olmaqla, əslində yaşayış üçün tamamilə yararsızdır. Görünür, yaşayış sahəsinin daha çox olması nəzərdə tutularaq üçüncü bina da eyni konseptlə tikilib. Lakin “bilməyərəkdən” edilən səhv qismən aradan qaldırılıb – binanın özülü daha hündürdür və magistral yola nəzərən dərəyə salınmayıb.
Prezindetin sərəncamı ilə tikilən, şəxsi iştirakı ilə açılan və ölkənin aparıcı media orqanlarında çalışan jurnalistlərinin yaşadığı ərazinin var olan problemlərinin 7 ildə çözülməməsi birmənalı olaraq KİVDF-nin keçmiş rəhbərliyinin məsuliyyətsizliyinin nəticəsidir. Binaların ünvanı Salyan yolu 22 və Salyan yolu 22 A-dır. Bu yolun Salyana apardığını heç kim inkar etmir, amma 50-60 il öncə “Bibiheybətneft”in ərazisi olan bu yerlər indi Bakının sahil zolağındakı yaşayış massivinə çevrilib, demək, adı da dövlətin ərazinin abadlaşdırılması təşəbbüsünə uyğunlaşdırılmalıdır.
Marşrut xətti də həllini gözləyən və ərazidə yaşayanlarla BNA arasında davamlı mübahisələrə səbəb olan problemdir. Əraziyə 125 saylı marşrut xətti ikinci bina istismara veriləndən sonra açılıb. Ancaq ildə 4 dəfə marşrut dəyişdirilir və sakinlər 20-ci sahədəki dayanacaqlara qədər olan dağ kəndlərinin yolunu xatırladan yolla 15 dəqiqə getməyə məcbur olurlar. Bibiheybət məscidinin qarşısındakı yolun ildə 4 dəfə çökməsi – hazırda yenə təmirdə olduğu üçün nəqliyyata qapalıdır – səbəbilə 125 saylı marşrut yenə əraziyə gəlmir.
“Cənab Prezidentə yazdığımız (məmur məsuliyyətsizliyi belə absurd məqamlar yaradır – müəl.) şikayətlərdən sonra 5 saylı marşrut binalara gedir. Ancaq bunun üçün şəhərdə mindiyin avtobusdan 20-ci sahə dairəsindəki sonuncu dayanacaqda enməli, qarşıdakı avtobusa minməlisən… Yəni şəhərdən Bayıl istiqamətinə gedən yox, Bayıldan şəhər istiqamətinə gələn avtobus əraziyə yönləndirilib. Bu qədər absurd…”, – deyə bu binada yaşayan jurnalist həmkarımız bildirir.
O da vurğulanır ki, 125 saylı marşrutun “Binə” ticarət müəssisəsindən Lökbatan qəsəbəsinə uzadılması onu jurnalist binalarının işə, məktəbə gedən sakinləri üçün tamamilə yararsız vəziyyətə gətirib: “Pik saatlarında 4-cü avtobusa minmək qəhrəmanlıqdır. Üstəlik gedişhaqqı 30 yox, 40 qəpikdir. Yəni, Azneft dairəsindən 10-12 dəqiqəlik məsafədə yerləşən əraziyə getmək üçün 40 qəpik ödənməlidir. Üstəlik, marşrut binaların 1 kilometrliyində yerləşən Su İdman Kompeksinə çatanda yanacaqdoldurma məntəqələrinin yanından Bibeheybət yoluna çıxmaq əvəzinə HEÇ BİR LÜZUM OLMADAN 20-ci sahəyə gedib dövrə vurur, əlavə 10 dəqiqə zaman itirilir”.
Şəhərdən 20 ci sahəyə gəlmək üçün görün, neçə alternativ marşrut var – 5, 6, 88, 124, 125, 53… saylı avtobuslar. Kristal Abşeron və Jurnalist Binaları yerləşən ərazilərə isə – 0.
5 minə yaxın əhali yaşayan ərazinin marşrut problemi 7 ildir BNA-da heç kimi narahat etmir. Çünki KİVDF-dən onları narahat edən yoxdur.
“KİVDF-yə və Səbail İH-nə müraciət etdik ki, onlar da öz sıralarında Bravo supermarketlər şəbəkəsinə ərazidə yeni məntəqə açmaq üçün müraciət etsinlər. Ancaq hələ də 7 il yaşayış olan ərazidə bir çörək dükanının olmaması buradakı absurdlardan daha biri olaraq qalır”, – deyə sakinlər bildirir.
Nəzərə alsaq ki, jurnalistlərin artıq üçüncü binası da istifadəyə hazırdır və indi ərazidə 6 onyeddimərtəbəli bina var, məskunlaşma səviyyəsi 80 faizə yaxındır və davamlı olaraq artır, mənzillərdə yaşamayanlar belə onları kirayə verir, üstəlik ərazidə şəxsi evlər də var, heç bir alternativi olmayan ortalama 7 min əhalinin yaşadığı ərazidə ərzaq dükanı açmaq hər bir şirkət üçün marketinq uğurunun qarantıdır. Sadəcə, səlahiyyətli şəxslər bununla bağlı məsələ qaldırmalıdırlar.
Ərazinin Bakının ən çirkli ekoloji ərazilərindən biri olması sirr deyil. Fon şüalanması burada normadan bir neçə yüz dəfə çoxdur. Neft buruqlarının bir hissəsi bağlansa da neft gölməçələri hələ qalır. Ərazini bütün mənalarda sağlamlaşdırmağın tək yolu bitki örtüyünün yaradılmasıdır. İndi ərazidə park salınır. Ümid edirik ki, bitki örtüyünə baxım normal təşkil olunacaq, dövlət vəsaitləri keçən ilki kimi havaya sovrulmayacaq.
Araşdırmamız nəticəsində o da məlum oldu ki, ötən il Ekologiya və Təbii Sərvətlər Nazirliyi Jurnalist MMC-yə 2 dəfəyə 1000 ağac bağışlayıb. Ancaq suvarması və baxımı təşkil olunmadığından, ağaclardan əsər-əlamət yoxdur. Halbuki, jurnalist binalarından yığılan aylıq 16 min manata yaxın xidmət haqqından bu məqsədlə 300-400 manat ayırmaq çox sadə məsələ idi.

Hurriyyet.org
Zamantv.az
Oxşar xəbərlər

XƏBƏR LENTİ

21:50

Ramazanın doqquzuncu gününün duası - İmsak və iftar vaxtı

18:51

Tenderə nəzarət edən dövlət qurumunun özü qanunsuz tender keçirir? – FOTOFAKT

18:26

" “Istanbul NS Klinikası Baku”nun cəlladları anamı öldürdülər!!!" - Jurnalist ÜSYAN ETDİ

17:35

Ağacları qırıb yerinə beton tökdülər - AXI NİYƏ?

16:58

“Bundan sonra bura Zəfər meydanıdır”

16:40

Prezident xalqı təbrik etdi

16:09

Şahbuzda müəllimlərin 7-ci sinifdə oxuyan qıza qarşı VƏHŞİLİYİ... - BU NƏDİ BELƏ?!

15:29

Ruhi elə bilir ki yardım paylayıb deputat olacaq... - VİDEO

14:36

Vergi Xidməti bu müəmmanı açacaqmı? - Bir ünvanda qeydiyyata alınmış onlarla MMC-nin arxasında kimlər durur

13:56

Dələduzluq edən sabiq bələdiyyə sədri ilə bacısı yenidən məhkəmə qarşısında - TƏFƏRRÜAT

13:03

Prezident Xankəndidə Novruz tonqalını alovlandırıb, xalqı təbrik edib

12:36

Vüqar Kərimovla iş adamı Tehran Lətifovun işbirliyi Şəkidə nə qədər ağacın kəsilməsinə səbəb olub - İLGİNC İDDİALAR...

11:50

"Bura gələndə özünüzlə yemək gətirin..." - GİLEY

10:57

Qazaxda diş həkimi azyaşlı xəstəni DÖYDÜ - Valideynlərinin GÖZÜ QARŞISINDA...

10:14

"Bəs sonra sizi mənim əlimdən kim alacaqdı?" - ETİRAZ

23:23

Müqayis Verdiyevin dələduzluğ əməli İFŞA OLUNDU – Şəhidlər xiyabanını abadlaşdırma adı ilə talanan milyonlar…

17:02

Azərbaycan təhsilində kitab vəsaiti PROBLEMİ: - "Dərsliklər ali məktəbə hazırlıq üçün predmet deyil, məktəblini..."

16:03

Təhməzovun “OVQAT”I NİYƏ KORLANMIR? - İLGİNC İDDİALAR...

12:00

Cahid Hüseynovun və qohumlarının “Azəriqaz”dakı QANUNSUZ ƏMƏLLƏRİ... - ŞOK İDDİA

11:30

Azərbaycanda insanlar daha çox taksi, avtobus, yoxsa metrodan istifadə edirlər? - VİDEO

11:00

Bakıda yeni hava limanı tikilir - Video

10:40

Kurskda PUA hücumu təhlükəsi elan edildi

10:20

Rusiyadakı seçkiləri diqqətlə izləyirik - Kirbi

10:00

Əhalinin DİQQƏTİNƏ! Təhlükəli mesajlar göndərilir

23:54

Ramazanın altıncı günü: İftar və imsak vaxtları

23:32

"Qarabağ"a qollar vurdu, həftənin ən yaxşısı oldu

18:56

Sabunçuda SİRLİ-SEHİRLİ inşaat işləri... - Hamı görür, amma kimsənin xəbəri yoxdur...

18:31

Qalmaqallı professor baş həkim oldu - Rektor olmaq üçün 250 min rüşvət vermişdi

16:47

Pensiyaçılara ildə iki dəfə əlavə müavinətin verilsin! - Komitə sədri

16:29

“Makron kimi siyasi liderlər Azərbaycanın uğurlarını həzm edə bilmir və...”- Siyasi şərhçi

15:58

Qızını erməniyə ərə verən Ağadadaş Kərimov diaspor rəhbərini tutdurdu

15:16

Dövlət Şəhərsalma və Arxitektura Komitəsi tender keçirmədən 2,1 milyon manatı bu şirkətə verdi

14:58

Xəzərin icra başçısı qanun-manun HƏRLƏMİR?.. - ÖZBAŞINALIQ!

14:58

Xəzərin icra başçısı qanun-manun HƏRLƏMİR?.. - ÖZBAŞINALIQ!