[rating-type-4]
{likes}
{dislikes}
[/rating-type-4]
12 illik icra başçısının gözqamaşdıran SƏRVƏTİ... - Nələr var, nələr...


Adil Vəliyev. Azərbaycan Respublikası Prezidentinin 14 aprel 2012-ci il tarixli Sərəncamı ilə Bakı şəhəri Sabunçu Rayon İcra Hakimiyyətinin başçısı vəzifəsinə təyin edilmişdir.

Xocavənd rayon icra hakimiyyətinin başçısı Eyvaz Hüseynov kimi Adil Vəliyev də ilk dəfə icra başçısı kürsüsünə məhz Sabunçu rayon icra hakimiyyətində əyləşib və bugünə qədər də bu davam edir.

Düşünəndə, "bir adamın bir vəzifədə bu qədər müddət qalması üçün işində məsuliyyətli olması əsas səbəb ola bilər" məntiqi doğru görünür. Amma, çox zaman saf insanların məntiqi aldadıcı olur. Yəni, bu məntiqlə sadəcə özünü aldatmış olur .

Ən azından aylardır, hətta illərdir elə adlarını çəkdiyimiz hər iki rayonun kifayət qədər geniş olan şikayətçi vətəndaş auditoriyası belə deməyə əsas verir. Eləcə də Sabunçu rayonunun Zabrat, Kürdəxanı, Sabunçu, Balaxanı, Ramana və sair - demək olar bütün qəsəbələrinin bərbad yollarına baxanda, həmçinin bu qəsəbələrin antisanitar şəraitində - məişət tullantıları içində boğulduğunu görəndə Adil Vəliyevin "mükəmməl başçı" olduğu üçün 12 il bir rayona rəhbərlik etdiyini düşünmək sadəlövhlük olar.

Amma, maraqlıdır ki, vikipediyasına nəzər saldıqda Vəliyevin 1977-ci ildən bugünə qədər yalnız dövlət işlərində çalışdığını görürük. Çalışdığı illərin bir hissəsi Sovet hakimiyyəti illərinə düşdüyü üçün o, zamanlar bu insanın özünə sərvət toplaması mümkünsüz görünür. Lakin, Azərbaycan müstəqilliyini bərpa etdikdən sonra da axı qanunlarımız dövlət məmurlarının bizneslə məşğul olmasını qadağan edir.

Sual yaranır, bəs adının qarşısına "Porşe" ləqəbi əlavə olunan Adil Vəliyev, gənc yaşlarından bugünə qədər yalnız dövlət işlərində çalışaraq bu qədər sərvətlərə necə sahib olub?

Vəliyevin sərvətlərinin yerli saytlarda dərc olunan siyahısına baxın !

SİYAHI:

Başçının adına sənədləşən əmlak:

Bakı şəhəri, Nəsimi rayonu, Babək prospekti 37 ünvanında 0.2921 ha torpaq sahəsi, 1598.30 kv/m daşınmaz əmlak olan qeyri yaşayış binası - 2019-cu ildən.

Həyat yoldaşının adına sənədləşən əmlaklar

Bakı şəhəri, Sabunçu rayonu, Ləhiş bağ sahəsi, 5080C saylı 0.16 ha bağ sahəsi - 2021-ci ildən.

Bakı şəhəri, Nəsimi rayonu, Füzuli küçəsi, b, 31, 307-ci məhəllə, m.2 ünvanında yerləşən 237.20 kv/m olan mənzil - 2020-ci ildən.

Bakı şəhəri, Nərimanov rayonu, Etibar Qocayev küçəsi, 17 ünvanında, 0.0783 ha torpaq sahəsi, 1094.50 kv/m daşınmaz əmlakın ümumi sahəsi olmaqla, fərdi yaşayış evi - 2021-ci ildən.

Bakı şəhəri, Sabunçu rayonu, Bakıxanov qəsəbəsi, Yavər Əliyev küçəsi, 102 ünvanında 0.0820 ha torpaq sahəsi - 2018-ci ildən.

Oğlunun adına sənədləşən əmlaklar:

Bakı şəhəri, Xəzər rayonu, Mərdəkan qəsəbəsi, Ə.Rəhimov küçəsi, 17F ünvanında 0.6150 ha torpaq sahəsində olmaqla, 301.20 kv/m ümumi sahəsi olan fərdi yaşayış evi - 2021-ci ildən.

Bakı şəhəri, Sabunçu rayonu, Ləhiş bağ sahəsi, 5080G saylı 0.16 ha bağ sahəsi - 2021-ci ildən.

Bakı şəhəri, Sabunçu rayonu, Bilgəh qəsəbəsi, 0.16 ha 892 saylı bağ sahəsi -2021-ci ildən.

Bakı şəhəri, Xətai rayonu, Nobel prospekti, 139 ünvanında 0.59 ha torpaq, 9.10 kv/m qeyri yaşayış binası - 2019-cu ildən.

Sabunçu rayonu, Bəşir Bünyatov küçəsi, 246 ünvanında 0.7173 ha torpaq sahəsi - 2021-ci ildən (satılıb)

Gəlininin adına sənədləşən əmlaklar:

Bakı şəhəri, Nəsimi rayonu, Mərdanov qardaşları küçəsi, b, 39, m. 45 ünvanında 225.40 kv/m mənzi - 2018-ci ildən.

Bakı şəhəri, Sabunçu rayonu, Bakıxanov qəsəbəsi, Ülvi Rəcəb küçəsi, b, 60, 60B, 107.50 kv/m olan mənzil 92 - 2021-ci ildən.

Bakı şəhəri, Sabunçu rayonu, Bakıxanov qəsəbəsi, Ülvi Rəcəb küçəsi, b, 60, 60B, 60C ünvanında 98.30 kv/m olan qeyri yaşayış sahəsi - 2021-ci ildən.

Qızının adına sənədləşən əmlak:

Bakı şəhəri, Sabunçu rayonu, Ləhiş bağ sahəsi, 5080X saylı 0.16 ha torpaq olmaqla bağ sahəsi - 2021-ci ildən.

Kürəkəninin adına sənədləşən əmlaklar:

Bakı şəhəri, Nərimanov rayonu, Məmməd Araz küçəsi, b, 25E, 1978-ci məhəllə, 245.70 kv/m olan mənzil 52 - 2019-cu ildən.

Bakı şəhəri, Nərimanov rayonu, Əliəşrəf Əlizadə küçəsi, b, 8, 790-cı məhəllə, 97 kv/m olan mənzil 18 - 2020-ci ildən.

Kürəkəninin anasının adına sənədləşən əmlaklar:

Bakı şəhəri, Sabunçu rayonu, Sabunçu qəsəbəsi, Şəhər Şossesi 112 ünvanında 0.1577 ha torpaq sahəsində 2907.10 kv/m olan qeyri yaşayış sahəsi - 2019-cu ildən.

Bakı şəhəri, Sabunçu rayonu, Sabunçu qəsəbəsi, 1229 saylı sahədə yerləşən 0.40 ha torpaq sahəsi - 2020-ci ildən.

Bakı şəhəri, Sabunçu rayonu, Bakıxanov qəsəbəsi, Yavər Əliyev küçəsi, 14D saylı sahədə yerləşən 0.2142 ha torpaq sahəsi - 2020-ci ildən.

Bakı şəhəri, Sabunçu rayonu, Bakıxanov qəsəbəsi, Muxtar Fətəliyev küçəsi, 66 ünvanında 0.008250 ha torpaq sahəsində 79.90 kv/m qeyri yaşayış binas -. 2021-ci ildən.

İcra Başçısı Adil Vəliyevin faktiki sahiblik etdiyi və oğlunun payçısı olduğu şirkətlər:

"Euro Style LTD” MMC – hazırda aktiv
"Əfəndilər” Mənzil Tikinti Koperativi-hazırda aktiv
"European Cars” MMC- hazırda aktiv
"Yeni Sabunçu” Mənzil Tikinti Koperativi –hazırda aktiv
"Əfəndilər” MMC – hazırda aktiv

Eləcə də:

▪️Sabunçuda 4 hektarlıq ərazidə mərmər sexi
▪️Sabunçu qəsəbəsində yerləşən plastik qapı-pəncərə sexi
▪️Bakıxanov qəsəbəsi, Mədəniyyət küç. "Şəhrizad" Uşaq Bağçası
▪️Sabunçu, Aydınbəyov küç. 19 ünvanda yerləşən 3 saylı uşaq bağçası
▪️Nərimanov rayonu, E. Qocayev küç. ev 17 ünvanında mənzil
▪️Xəzər rayonu, B. Əliyev küç. Dön. 4, ev 34 ünvanında mənzil
▪️ "FASHION" MMC
▪️Bakıdakı "Euro Style" adlı bütün bərbər salonları
▪️Nizami rayonu, B. Çobanzadə küç “Sarı gəlin” şadlıq sarayı
▪️Bakıxanov, Mehmandarov küç. 12 ünvanında “AQAT” şadlıq sarayı
▪️“Bakıxanov Rezidens” yaşayış kompleksi
▪️Binalara üzlüklər çəkən “AQAT” şirkəti
▪️O “Volkswagen”, “Porche”, “Audi”, “Seat” avtomobil markalarının ölkəmizdə rəsmi dileridir. Bu markaların satıldığı bütün mərkəzlər
3-4 milyonluq avtomobil kolleksiyası:
▪️"Posche Mansory 958 Cayenne"
▪️"Ferrari F 12 Berlinetta"
▪️Land Rover Range Rover
▪️2 ədəd göy və Qırmızı rəng Porsche 911

Ona aid maşınların nömrələri: 10-AA-818, 10-YY-078, 10-FF-078, 10-AL-078, 10-AA-078, 99-CF-999 və 99-ON-999.

Bunlardan əlavə, onun ailə biznesinə rayonda bir neçə göydələnlər, ticarət obyektləri, fərdi yaşayış sahələri və torpaq sahələri də daxildir.

Sərvətlərinə görə ərəblərə həsəd aparan binəva kasıb camaatımızın "burnumuzun ucunda" sərvətləri ilə "ərəb şeyxinə meydan oxuyan" icra başçısı "Porsche" Adilin varından xəbəri belə yoxdur.

Gələk, icra başçısının gəlir yeri olduğu güman edilən məsələlərə.

Xatırladaq ki, ötən həftə Sabunçu rayonunda aparılan qanunsuz tikintilər barəsində "DogruXeber.az" informasiya portalında məlumatlar dərc etmişdik. Eyni zamanda bu məlumatlar barəsində aidiyyatı qurumlara da tərəfimizdən rəsmi sorğular göndərdiyimizi qeyd etmişdik.

Əvvəla, onu vurğulayaq ki, sorğularımız hələ də cavabsız qalıb. Görünür, məsələdən xəbərdar olan qurumlar cavab verməkdə aciz qalıblar.

Əlqərəz...

Qeyd edək ki, əməkdaşlarımız Sabunçu qəsəbəsində olublar və ötən həftə məlumatını verdiyimiz - Qambay Vəzirov küçəsindəki üç mərtəbəli iaşə obyektinin görüntülərini lentə alıblar. Həmçinin Elşən Mehdiyev küçəsində bəzi məlumatlar və görüntülər əldə ediblər.

Gördüyünüz kimi Qambay Vəzirov küçəsində nəft quyularının yaxınlığında inşa edilən iaşə obyekti çöl tərəfdən dəmir dam örtükləri ilə üzlənib, lakin o, dəmirlərin arxasında əsaslı tikinti aparılır.

Elşən Mehdiyev küçəsinə gəldikdə isə, gördüyünüz kimi çox geniş ərazini əhatə edən göl yerinin ətrafında tikinti işləri aparılmaqdadır. Əslində isə bu tikintilər hələ də nəmliyi qurumayan, tala-tala üfunətli sularının qaldığı göl yer yerinin ətrafında deyil, məhz üzərində aparılır. Yəni, göl yeri hissə-hissə məişət tullantıları və söküntü torpağı, daşı ilə doldurulur, həyətyanı torpaq sahəsi kimi vətəndaşlara satılır.

Qeyd: Təqdim etdiyimiz bütün tikintilərin yaxınlığında neft quyuları, başının üzərində yüksək gərginlikli elektrik xətləri mövcuddur. Antisanitariya barəsində isə təsəvvür etdiyinizdən daha dəhşətli olduğunu deyə bilərik. Hər halda məcburiyyət qarşısında o, ərazilərdə yaşayan insanlar bunu təsdiq edərlər.

Bir sözlə, Sabunçu rayonunda insan həyatına dəyər verilmir. Buna səbəb isə həmin insanlardan əldə edilən gəlirlərin birinci növbədə rayon rəhbərliyinin, ikincisi aidiyyatı qurumların gözlərinin önündən asdığı "əskinaslardan ibarət qiymətli pərdədir". Burada insanlar ciblərinin pulu ilə problem alırlar - həm səhhətləri üçün, həm də gələcəyi sual altında olan sənədsiz evlər, torpaqlar üçün.

Təsəlliləri də budur ki, "Onsuz da burda heç kimin sənədi yoxdur. Bizə icra nümayəndəliyindən deyiblər ki, prezidentin sərəncamı var, hamısı sənədləşdiriləcək".

Bunun nə zaman real olacağı isə kimsəyə bəlli deyil.

Yeri gəlmişkən, yerli saytların yazdığına görə icra başçısı Adil Vəliyev jurnalist Əvəz Zeynallının məhkəməsində şahid qismində dindirilən zaman vəkillərin suallarını cavablandırarkən etiraf edib ki, "hətta tikinti qanunsuz olsa belə, icra hakimiyyətinin onu sökməyə ixtiyarı yoxdur. İnşa prosesi dayandırılmalı, məhkəməyə müraciət olunmalıdır. Lakin, praktikada bir sıra hallarda qanunsuz tikinti aparılanda müdaxilə edib sökürlər."

Vəkilin "sizin səlahiyyətiniz olmadığı halda, necə müdaxilə edirsiniz" sualına isə Vəliyev qısa olsa da hər şeyi dərinliyi ilə izah edən bir cavab verib: - "Elə danışırsınız ki, sanki Azərbaycanda yaşamırsınız...".

Ahaa... maraqlıdır, dövlət məmuru bunu deməklə nələri nəzərdə tutur?

Xatırlayırsınızsa, ötən il Zərifə Əliyeva adına oftalmologiya mərkəzində xəstələrdən qeyri-qanuni pul istəyən tibb bacısı da "bura dövlət müəssisəsidir, niyə pul verməliyəm?" sualına da məhz belə cavab verdiyini "DogruXeber.az" vasitəsilə yayımlamışdıq.
Bu da 2 oldu.

Demək, Azərbaycanda yaşayırıqsa, məhz dövlətin öz məmurları tərəfindən edilən bütün qanun pozuntularını da "adi hal" kimi qəbul etmək "boyunuzun borcu"dur.

Mövzunu davam etdirəcəyik.

Dia-az.info
[rating-type-4]
{likes}
{dislikes}
[/rating-type-4]
Londonda 85 milyonluq məhkəmə işi ilə gündəm olan deputatın oğlu Bakıda obyekt tikir - DETALLAR

Dövlət Şəhərsalma və Arxitektura Komitəsi yanında Bakı Şəhər Memarlıq və Şəhərsalma Baş İdarəsi Orxan Cavanşir oğlu Cavanşirə Bakı şəhəri, Xəzər rayonu, Buzovna qəsəbəsi, Abşeron küçəsi 142D ünvanında qeyri-yaşayış binasının (anbar) tikintisinə icazə verib.
Yeniavaz.com xəbər verir ki, tikintisinə icazə verilən anbarın ümumi sahəsi 9 min 34 kv. metr olacaq.
Məlumat üçün bildirək ki, Orxan Cavanşir oğlu Cavanşir millət vəkili Cavanşir Feyziyevin oğludur.
Millət vəkilinin 1994-cü il təvəllüdlü oğlu bir müddət əvvəl “İcbari Tibbi Sığorta üzrə Dövlət Agentliyi”nin keçirdiyi tender müsabiqəsində qalib olub. Orxan Cavanşir “İcbari Tibbi Sığorta üzrə Dövlət Agentliyi”nə 1 il müddətinə ofis və anbar kompleksi icarəyə verib və qarşılığnda 1 milyon 176 min manat alıb.
Xatırladaq ki, bu yaxınlarda Britaniya Ali Məhkəməsi Cavanşir Feyziyev və onun həyat yoldaşının dondurulmuş mülkləri ilə bağlı məsələyə baxıb və sözügedən əmlak portfelinin dondurulması barədə qərarı qüvvədə saxlayıb.
Qeyd edək ki, söhbət 39,5 milyon funt sterlinqdən (85,1 milyon manat) artıq qiymətə alınmış 22 əmlakdan gedir. Deputat və həyat yoldaşının 22 mülkü qeyri-qanuni yollarla qazanılan vəsaitlər hesabına əldə etdiyi ehtimal edilir.
[rating-type-4]
{likes}
{dislikes}
[/rating-type-4]
İcra başçısı üçün 57 minə xidməti avtomobil -Seymur Orucov maşınını yeniləyir


Ağstafa Rayon İcra Hakimiyyəti üşün 57 800 AZN-ə xidməti minik avtomobil alınıb.

Təchizatçı bir mənbədən satınalma metodu üzrə seçilib. Yəni, satınalma proseduru dövlət satınalmalarının vahid elektron portalında keçirilməyib.

Təchizatçının kimliyinə gəlincə, bu, "Auto Azərbaycan" MMC-dir. "Auto Azərbaycan" MMC "Hyundai" şirkətinin Azərbaycandakı distribütorudur.

İddialara görə, xidməti minik avtomobili Ağstafa rayonunun icra başçısı Seymur Orucov üçün alınıb.

Seymur Orucov 2020-ci ildən Ağstafaya rəhbərlik edir.(Qaynarinfo)
[rating-type-4]
{likes}
{dislikes}
[/rating-type-4]
Niyazi Bayramovun başı dərddə -Gəncədə daha kimlər həbs oluna bilər?


Martın 4-də elektron mediada Korrupsiyaya Qarşı Mübarizə İdarəsinin əməkdaşları tərəfindən Gəncə şəhər İcra Hakimiyyətində əməliyyat keçirilməsi barədə xəbərlər yayılmışdı. İlkin məlumatlarda əməliyyat zamanı Gəncə şəhər İcra Hakimiyyəti başçısının birinci müavini Səməd Tomiyev və digər müavinlərin də saxlanıldığı qeyd olunurdu. Lakin sonradan bu məlumatlar İcra Hakimiyyəti tərəfindən təkzib olundu. Daha sonra isə Baş prokurluq İcra Hakimiyyətində əməliyyatın keçirilməsini təsdiqlədi və əlavə məlumatların veriləcəyini açıqladı. Lakin üstündən artıq neçə gün keçməsinə baxmayaraq sözügedən əməliyyatın hansı səbəbdən keçirilməsi ilə bağlı Baş prokurluqdan hələ heç bir məlumat açıqlanmayıb.
Buna baxmayaraq missiya.az Gəncə şəhər İcra Hakimiyyətindəki mənbələrinə əsaslanıb olduqca ilginc məlumatlar yaydı. Məlumatda əməliyyat nəticəsində şəhərin baş memarı Elxan Məmmədovun saxlanıldığı iddia olunur və qeyd edilir ki, keçirilmiş əməliyyat adi şikayət əsasında deyil, ciddi faktlar əsasında aparılıb və bu məsələnin arxasında çox dərin mətləblər dayanır. Məlumata görə, hətta 1-ci müavinin saxlanılması barədə xəbərin dövriyyəyə buraxılması və sonradan təkzib olunmasının arxasında belə məkrli oyun dayanıb. Bu oyunu kim qurub və hansı məqsədlə? https://missiya.az/64834-gencede-hebsler-davam-edecek.html
Aktualinfo.org Gəncə şəhər İcra Hakimiyyətində əməliyyat keçirilməsi ilə bağlı yayılan xəbərlərdən sonra yaydığı məqalədə Baş Prokurorluğun verəcəyi açıqlamadan asılı olmayaraq Niyazi Bayramovun öz əməllərinə kimisə qurban edəcəyini göstərmişdi. Bəzi əlavələrə ehtiyac olduğundan mövzuya bir daha qayıtmalı olduq. Təbii ki, burada ibtidai istintaqa maneəçilik, yaxud da gedişata mənfi təsir göstərə biləcək hər hansı bir hala yol verməmək şərti ilə.
Qeyd etdiyimiz kimi missiya.az-ın Gəncə şəhər İcra Hakimiyyətindəki mənbələrdən aldığı məlumatlarda şəhərin baş memarı Elxan Məmmədovun saxlanıldığı iddia olunur. Bəs baş memarın Gəncə şəhər İcra Hakimiyyətinin bulaşdığı korrupsiya işlərində nə kimi iştirakı ola bilər? Məlum olduğu kimi İcra Hakimiyyətinin baş memarı daha çox şəhər ərazisində yerli səviyyədə dövlət şəhərsalma nəzarətini həyata keçir, o cümlədən özbaşına tikinti işlərinin qarşısının alınmasını təmin edir. Yəni, baş memarın hər hansı bir obyektin, evin tikintisinə icazə verməkdən başqa o qədər də güclü səlahiyyəti yoxdur və bu işləri də İcra başçısının göstərişləri ilə həyata keçirir. Buradan da o, ancaq rüşvət ala, müəyyən pay götürə bilər. O, da Niyazi Bayramovdan xəbərsiz ola bilməz. Yəni Elxan Məmmədov yalnız rüşvətlə var-dövlət yığırsa, Niyazi Bayramov rüşvətlə bərabər, büdcədən ayrılan pullardan da paya sahibdir.
Elektron medianın yaydığı bəzi məlumatlardan başqa bu gün Baş prokurorluq yanında Korrupsiyaya Qarşı Mübarizə İdarəsinin Gəncə şəhər İcra Hakimiyyətində qəfil keçirdiyi əməliyyatın təfərrüatı heç kimə məlum deyil. Çox böyük ehtimalla sözügedən qurumun keçirdiyi əməliyyat Gəncə şəhər İcra Hakimiyyətində yol verilən dövlət vəsaitlərinin mənimsənilməsi, korrupsiya halları ilə bağlıdır.
Məlum olduğu kimi Gəncə şəhərində təmir-bərpa, abadlıq-quruculuq işlərinin, yeni infrastruktur layihələrinin həyata keçirilməsinə hər il dövlət büdcəsindən milyonlarla manat vəsait ayrılır. Bu vəsaitlərin böyük əksəriyyəti Gəncə şəhər İcra Hakimiyyəti və tabeliyində olan Gəncə Şəhər Mənzil Kommunal Təsərrüfatı İstehsalat Birliyi tərəfindən keçirilən dövlət satınalma müsabiqələrinin qalibi seçdikləri şirkətlər vasitəsi ilə mənimsənilib.
Son vaxtlar sosial şəbəkələrdə Gəncə şəhər İcra Hakimiyyətinin başçısı Niyazi Bayramovun oğlu Bəhram Bayramovun milyonlarla manat dəyəri olan dəbdəbəli maşın kolleksiyasının olması barədə yayılan məlumatlar bu yöndə şübhələri bir az da artırmış oldu. Bu da ictimaiyyət arasında bir məmur oğlunun hansı vəsaitlə bahalı maşınlar aldığına dair haqlı suallar doğurur. https://anaxeber.info/54346-gencenin-icra-bascisi-ogluna-6-bahali-masin-alib-arasdirma-video.html
Aşağıda Niyazi Bayramovun Gəncə İcra Hakimiyyətinə başçı təyin edildikdən sonra şəhərin təmir-bərpa, abadlıq-quruculuq işlərinə ayrılmış dövlət vəsaitlərinin kiçik bir qısmini diqqətinizə çatdırırıq. Onda Niyazi Bayramovun oğlu Bəhram Bayramovun milyonlarla manat dəyəri olan dəbdəbəli maşın kolleksiyasına pulu haradan aldığını təxmin etmək olar. Bununla da Gəncədə kimlərin həbs olunma ehtimalının daha çox olduğunu müəyyən etmək olar.
Gəncə şəhər İcra Hakimiyyəti və tabeliyində olan Gəncə Şəhər Mənzil Kommunal Təsərrüfatı İstehsalat Birliyi 2020-2023-cü illərdə “ƏRDAGI” MMC ilə küçə və prospektlərdə abadlıq işlərinin abadlıq-quruculuq işlərinin satın alınması üzrə ümumi dəyəri 12 220 277 manat olan 5 satınalma müqaviləsi bağlayıb.
Gəncə şəhər İcra Hakimiyyəti və tabeliyində olan Gəncə Şəhər Mənzil Kommunal Təsərrüfatı İstehsalat Birliyi 2018-2023-cü illərdə “GƏNCƏ KÖRPÜ TİKİNTİ-2” ASC MMC ilə küçə və prospektlərdə abadlıq işlərinin, yolların əsaslı təmiri işlərinin, abadlıq-quruculuq işlərinin satın alınması üzrə ümumi dəyəri 45 054 591 manat olan 9 satınalma müqaviləsi bağlayıb.
Bunlardan başqa Gəncə şəhər İcra Hakimiyyəti və tabeliyində olan İstehsalat Birliyi tərəfindən 2018-2023-cü illərdə Gəncə şəhərində çoxmənzilli binanın dam örtüyünün dəyişdirilməsi və təmiri işləri üzrə Ximekspress-2000 firması 6.173.373,55 manat, “OASA” MMC ilə 2.435.000 manat, “Gəncə Avtomobil zavodu” İstehsalat Birliy ilə 5.985.000 manat, “ATLAS ES” MMC ilə birbaşa müqavilə 3.301.261,44 manat, Gəncə şəhərində qəza vəziyyətində olan yataqxana və yaşayış binalarının tikintisinin davam etdirilməsi üzrə “ALİANS”MMC ilə 8.506.646,26 manat, istirahət parklarında əsaslı təmir və abadlıq işləri, işıqlandırılma sistemlərinin əsaslı təmiri işləri üzrə “ELVİ.M.M. SERVİCES GROUP” MMC ilə 1.623.552,89 manat və 897.824 manat, “VEDİ CONSTRUCTİON” MMC ilə 897.240,78 manat və abadlıq işlərinin satınalınmsı üzrə 1.225.288 manat məbləğində ümumi dəyəri 31 045 214 manat olan 9 satınalma müqaviləsi bağlanılıb.
Biz buraya Gəncə şəhərində İdman Sarayının tikintisi işlərinin davam etdirilməsi məqsədilə ayrılan vəsaitləri əlavə etməmişik. Bu məqsədlə Gəncə şəhər İcra Hakimiyyəti ilə “Rövşən Oğuz Qrup” MMC arasında ümumi dəyəri 78 644 630 manat olan 9 satınalma müqaviləsinin bağlanıldığı barədə məlumat dövlət satınalmalarının vahid elektron portalı vasitəsi ilə açıqlanıb. Bununla da Gəncə şəhər İcra Hakimiyyəti 2019-2023-cü illərdə, yəni son 4 ildə Gəncə şəhərində İdman Sarayının tikintisi işlərinin davam etdirilməsinə tam 100 milyon manata yaxın dövlət vəsait ayrılıb, amma işlər hələ də yekunlaşmayıb.
Qeyd edək ki, bu məlumatlar dəyəri milyon manatdan yuxarı olan satınalmalar üzrə hesablanıb. Gəncə şəhərində hər il küçə və prospektlərdə abadlıq, yolların əsaslı təmiri, abadlıq-quruculuq işlərinin satın alınması məqsədi ilə ayrılan yüz minlərlə manat dövlət vəsaitləri də var ki, müəmmalı MMC-lər vasitəsi ilə təyinatından kənarlaşdırılıb.
Onu xüsusilə vurğulamaq istərdik ki,Niyazi Bayramov bütün bu kimi işləri Gəncədə təkbaşına görmür. Ona bu işlərdə yaxından köməklik göstərənlərin biri İcra Hakimiyyətinin tabeliyində olan Gəncə şəhər Mənzil Kommunal Təsərrüfatı İstehsalat Birliyinin rəisi Nurəhməd Əhmədovdur. O, 1999-2016-cı illərdə Vergilər Nazirliyində baş müfəttiş, şöbə rəisi vəzifələrində çalışıb. 2017-2018-ci illərdə biznes fəaliyyəti ilə məşğul olub. Niyazi Bayramov 2018-ci ildə Gəncə şəhər İcra Hakimiyyətinə başçı təyin edildikdən sonra Nurəhməd Əhmədov da MKTİB-də rəis müavini vəzifəsinə gətirilib.O, 2022-ci ilin yanvar ayından isə Birliyin rəisi vəzifəsində çalışır.
Maraqlıdır, Bakıda anadan olmuş, uzun müddət Vergilər Nazirliyi kimi bir qurumda müxtəlif vəzifələrdə çalışmış Nurəhməd Əhmədovu Gəncə şəhərində “JEK” müdiri işləməyə nə vadar edib? Avtobioqrafiyasından da göründüyü kimi Vergilər Nazirliyində işləyib, maliyyə işini yaxşı bilir, biznes fəaliyyəti ilə də məşğul olub, geniş əlaqələri var. Niyazi Bayramova da Gəncə şəhərinə ayrılan pulları talan etməyə məhz Nurəhməd Əhmədov kimi peşəkar lazımdı.
Niyazi Bayramovun Gəncədə talançılıq işlərinin başında başqa bir neçə şəxslər də var. Əldə etdiyimiz məlimatlara görə onlardan biri Gəncə şəhər Maliyyə İdarəsinin rəisi Rəşid Yusifovdu. O, da Niyazi Bayramov 2018-ci ildə Gəncə şəhər İcra Hakimiyyətinə başçı təyin edildikdən dərhal sonra bu vəzifənin başına gətirilib. Gəncədə İdman Sarayının da, Dram Teatrının da yeni binasının tikintilərinə və digər abadlıq-quruculuq işlərinə ayrılan pulların dəqiq hesabını, Niyazi Bayramovun bu yollarla nələrin əldə etdiyini hamıdan yaxşı Rəşid Yusifov bilir. Onunla bağlı əldə etdiyimiz məlimatlara ayrıca qayıdacağıq.
Həmçinin İcra başçısının yaxın dostu, adını hələlik hallandırmaq istəmədiyimiz başqa bir nəfərin Niyazi Bayramovla olan işbirliyinə də ayrıca toxunacağıq. Əldə etdiyimiz ən səhih məlumatlara görə Niyazi Bayramov həmin dostuna məxsus (əslində isə şərik olduğu) bir neçə şirkəti də işğaldan azad edilmiş Qarabağ torpaqlarında aparılan yenidənqurma işlərinə qoşub külli miqdarda pullar qazanır. Oğluna da milyonlarla manat dəyəri olan dəbdəbəli avtomobillər alır.(Aktualinfo.org)
[rating-type-4]
{likes}
{dislikes}
[/rating-type-4]
Elm və Təhsil Nazirliyinin ŞÜBHƏLİ qrant müsabiqəsi - Pullar paylanıb, ancaq…

Bəlli olduğu kimi, Elm və Təhsil Nazirliyi ötən ilin dekabr ayında “Təhsildə könüllü fəaliyyətin təşkili” qrant müsabiqəsinin nəticələri açıqlayıb. Müsabiqə nəticəsində 17 təşkilatın layihəsi qalib elan edilib. Müsabiqənin nəticələri açıqlandıqdan sonra qalib layihələr sosial şəbəkələrdə, mediada ciddi müzakirələrə və tənqidlərə səbəb oldu.

Məsələn, dosent, təhsil eksperti İlham Əhmədov “Paralel” qəzetindəki yazısında Elm və Təhsil Nazirliyinin qrant müsabiqəsinə belə münasibət bildirib: ETN-nin QHT-lər üçün Qrant müsabiqəsinin nəticələri dərc edilib. Nəticələrlə tanışlıq göstərir ki, “davam edir dosta güzəşt, daha rahat, daha sərbəst”.

Xatırladaq ki, nazirliyin qrant müsabiqəsinin nəticələrini elan etməsinin üzərindən artıq 3 ay zaman keçir. Məntiqlə artıq həmin layihələrin icrasına start verilməlidir.

Təhsil sahəsindəki prosesləri daim diqqət mərkəzində saxlayan Editor.az Elm və Təhsil Nazirliyinin qrant müsabiqəsində qalib layihələrin icra vəziyyətini öyrənmək üçün kiçik bir araşdırma aparıb. Əməkdaşlarımız müasir dünyanın açıq mənbə kimi qəbul etdiyi “Google” beynəlxalq axtarış şəbəkəsi üzərində müsabiqədə qalib layihələrin adlarını axtarışa verib.

Nəticə isə həqiqətən ürəkağrıdıcı və düşündürücüdür: Bütün yerli və beynəlxalq qrant layihələrinin icrası zamanı QHT-lər üzərinə layihənin icrası müddətində şəffaflıq və hesabatlılığın əsas meyarı kimi media ilə əməkdaşlığı öhdəlik kimi götürür. Yəni, layihənin icrası müddətində QHT layihənin gedişi ilə bağlı həm donor təşkilata, həm də mediaya mütəmadi məlumat verməli, cəmiyyəti layihənin gedişi ilə bağlı məlumatlandırmalıdır. Bu həm də layihənin ideyası və cəmiyyətə vermək istədiyi mesajın təbliği baxımından son dərəcə vacibdir.

Ancaq, təəssüf ki, 3 ay keçməsinə baxmayaraq, Elm və Təhsil Nazirliyinin dövlət büdcəsi hesabına maliyyələşdirdiyi bu layihələrin 4-ü istisna olmaqla(epizodik), 13-ü haqqında internet şəbəkəsində, mediada hər hansı məlumata rast gəlmək mümkün deyil. Yəni, ictimaiyyət, media yüksək məbləğlər ayrılan bu layihələrin ümumiyyətlə icra olunub-olunmadığından belə əmin deyil…

Elə isə “təhsildə güzəşt vətənə xəyanətdir” deyənlərə sual edirik: Formallıq naminə və ya bir çox mənbələrin iddia etdiyi kimi hansısa maddi maraq qarşılığında dövlət büdcəsini bu şəkildə istifadə etməyin adı nədir?

Qeyd edək ki, müsabiqənin qalibi olan təşkilatlarım bir çoxu xüsusi diqqət çəkir.

Nazirliyin 45 min manat vəsait ayırdığı Azәrbaycan Gәnc Müәllimlәr Assosiasiyası İctimai Birliyi və “Bir könüllü” Tәlәbәlәrin Әmәkdaşlığı İctimai Birliyi Elm və Təhsil nazirliyinin rəsmi QHT qolu hesab edilə bilər. Bu İctimai Birliklərin nazirliyin Aparat rəhbəri Mətin Kərimlinin nəzarətində olduğu deyilir.

27 min manat qrant alan “Müasir Azәrbaycan Psixoloqları” İctimai Birliyinin sədri deputat, Milli Məclisin EIm və Təhsil Komitəsinin sədri Bəxtiyar Əliyevdir. Görünür, nazirlik rəsmiləri xüsusi fənd işlədərək onlar üzərində ictimai nəzarəti həyata keçirməli olan parlamentin Elm və Təhsil komitəsini bu şəkildə zərərsizləşdiriblər.

Qalib təşkilatlardan biri də özünü sosial şəbəkələrdə feminist qrup kimi tanıdan “Yuva” Humanitar Mәrkәzi İctimai Birliyidir. Birliyin sədri Rəna Tahirova beynəlxalq təşkilatlara və nazirliyin İctimai Şurasının müxtəlif üzvlərinə yaxınlığı ilə seçilir.

29 min manat qrant hədiyyə edilən Azәrbaycan Gәnc Alim, Doktorant vә Magistrlar Cәmiyyәti İctimai Birliyinin sədri İlqar Orucov Elm və Təhsil nazirliyi yanında İctimai Şuranın üzvüdür.

15 min manat qrant alan Gәncә Regional Qadın Mәrkәzi İctimai Birliyinin sədri isə Elm və Təhsil nazirliyi yanında İctimai Şuranın üzvü, keçmiş məmur Məleykə Əlizadədir.

Belə yerdə nazirlik yanında İctimai Şura üzvlərinin qurumun fəaliyyətinə necə ictimai nəzarəti həyata keçirəcəkləri ciddi sual doğurmaya bilmir.

20 min qrant verilən “Vətəndaş Hüquqlarının Müdafiəsinə Dəstək” İctimai Birliyinin sədri keçmiş prezidentliyə namizəd, uzun illər müxalif partiya liderlərindən olan Fuad Əliyevdir. Onun təhsillə yaxından-uzaqdan əlaqəsi ilə bağlı hər hansı məlumata rast gəlmək mümkün deyil.

20 min manat qrant alan “Ümidli gәlәcәk” Sosial Tәşәbbüslәr İctimai Birliyinin fəaliyyəti haqqında mediada çox sayda məlumata rast gəlmək mümkün deyil. Birliyə faktiki olaraq, Dövlət Gömrük Komitəsi Tibbi Xidmət İdarəsinin Mərkəzi Hospitalının rəis müavini Nabil Seyidovun rəhbərlik etdiyi bildirilir.

18 min manat qrant alan Azәrbaycan Skautlar Assosiasiyası İctimai Birliyinin isə uzun illər Gənclər və İdman nazirinin müavini işləmiş, adı mediada qalmaqallarda və FETÖ ilə əlaqədə hallanan, hazırda “İçərişəhər” Qoruğu İdarəsində Aparat rəhbəri kimi çalışan İntiqam Babayev tərəfindən himayə edildiyi iddia olunur.

Nazirlikdən 30 min manat qrant alan “Worldskills Azerbaijan Association” İctimai Birliyi ilə bağlı isə internetdə açıq mənbələrdə ümumiyyətlə, heç bir məlumata rast gəlmək mümkün olmadı. Bu qurumun hansı fəaliyyət istiqamətləri ilə məşğul olduğu, təhsil sahəsinə nə qədər aid olduğu sirr kimi qorunur.

Editor.az
[rating-type-4]
{likes}
{dislikes}
[/rating-type-4]
Türkiyənim Azərbaycandakı səfirinin qardaşı oğlu DƏLƏDUZ ÇIXDI - TƏFƏRRÜAT

Türkiyənin Azərbacandakı səfiri Cahit Bağcının qardaşı oğlu Bulut Bağcının qurduğu geniş şəbəkə vasitəsilə çox sayda insana külli miqdarda zərər vurduğu bildirilir.

AzFakt.com xəbər verir ki, bu barədə Türkiyə mediasında yayımlanan məlumata əsasən, “World Tourism Forum”un keçmiş rəhbəri olan 38 yaşlı Bulut Bağcı “Tourism X” (TRMX) adlı kriptovalyuta biznesinə baş vuraraq yüzlərlə şəxsə qarşı dəyərli milyon dollarla ölçülən dələduzluğa yol verib. Qeyd olunur ki, zərərçəkənlər Bağcıya qarşı bu ittihamla artıq prokurorluğa müraciət ediblər.

Qeyd olunur ki, Bulut Bağcının ulduzu 2016-cı il İstanbul Lütfi Kırdar Beynəlxalq Konqres və Sərgi Sarayında keçirilən, Türkiyə prezidenti Rəcəb Tayyib Ərdoğanın və bir çox dövlət rəsmilərinin qatıldığı Dünya Turizm Forumunda (World Tourism Forum) parlayıb.

Bu sektorda müəyyən fəaliyyət göstərdikdən sonra Bağcı “iş yönü”nü dəyişdirərək kriptovalyuta işinə baş vurdu və “Tourism X” adlı layihəsinin başlanğıcında topladığı pullarla beynəlxalq turizm layihələrinə sərmayə qoyulması və müştərilərin otel və təyyarə kimi səyahət elementlərini məhz həmin kriptovalyuta əsasında qarşılamalarına çalışdı. O bu vədlərlə çox sayda insanı layihəyə cəlb edə bildi.

Başladığı iş çərçivəsində Çadın Mədəniyyət, Tarixi İrs, Turizm və Əl Sənətləri Nazirliyi ilə ölkənin paytaxtı Ncamenada otel tikintisi üçün 8,2 milyon dollarlıq müqavilə imzalasa da, öz öhdəliyini yerinə yetirmədi.

Maraqlıdır ki, Bağcı öz fəaliyyətinin ciddiliyini göstərmək üçün hər yerdə Ərdoğanın adından gen-bol yararlanıb, onunla çəkdirdiyi şəkilləri paylaşaraq öz haqqında rəy yaratmağa nail olub.

Lakin sonunda Bağcının toruna düşmüş 13 nəfər prokurorluğa müraciət edərək onun tərəfindən təqribən 15 milyon dollar dəyərində dələduzluğa məruz qaldıqlarını bildiriblər.

Qeyd edək ki, əslən Çorumdan olan Bulut Bağcı Türkiyənim Azərbaycandakı səfiri Cahid Bağçının qardaşı oğludur.(AzFakt.com)
Türkiyənim Azərbaycandakı səfirinin qardaşı oğlu DƏLƏDUZ ÇIXDI - TƏFƏRRÜAT


[rating-type-4]
{likes}
{dislikes}
[/rating-type-4]
"Azpetrol" məntəqələrində TOTAL TƏFTİŞ... - İnsanların həyatı təhlükəyə atılıb!

Fövqəladə Hallar Nazirliyi tərəfindən "Azpetrol" şirkətin yanacaqdoldurma məntəqələrində kütləvi yoxlama aparılıb.

Bizimxeber.az bildirir ki, "Azpetrol Ltd." MMC-nin yanacaqdoldurma məntəqələrində ciddi pozuntular aşkarlanıb.

Bakı şəhəri, Nizami rayonu, Heydər Əliyev prospekti, 105 ünvanında yerləşən MMC-yə məxsus yanacaqdoldurma məntəqəsində keçirilmiş planlı yanğın-texniki müayinə zamanı obyektin pilləkən qəfəsliyinin altının hörülərək bağlanması, obyektdə mövcud olan yanğınsöndürən balonların bir qisminin tərkibinin yenilənməməsi, obyektdə mövcud olan yanğın su kranlarının rəflərinin nömrələnərək möhürlənməməsi, obyektin ərazisinə yaxınlaşan avtomobillərə mühərrikləri söndürülməmiş xidmət göstərilməsi aşkar edilib.

Yanacaqdoldurma məntəqəsində aşkarkanan pozuntular ətrafdakı insanların həyatını və obyektlərin fəaliyyətini təhlükə altına atıb. Təkcə bu iş üzrə şirkətə İnzibati Xətalar Məcəlləsinin 518.1-ci maddəsi ilə protokol tərtib edilib.

Məhkəmə "Azpetrol Ltd." MMC-ni 400 manat məbləğində cərimə edib. Şirkət üzərində nöqsanların aradan qaldırılmasını tələb kimi qoyulub.

Qeyd edək ki, "Azpetrol Ltd." Nizami rayonu, Heydər Əliyev prospekti, 108D ünvanında yerləşən yanacaqdoldurma məntəqəsinə görə də 400 manat cərimələnib. Yanacaqdoldurma məntəqəsində keçirilmiş planlı yanğın-texniki müayinə zamanı obyektdə pilləkən qəfəsliyinin altına mebellər, şkaflar, avadanlıqlar və digər materialların toplanması, obyektdə mövcud olan odsöndürən balonların bir qisminin tərkibinin yenilənməməsi, obyektdə mövcud olan yanğın su kranlarının rəflərinin nömrələnərək möhürlənməməsi, obyektin ərazisinə yaxınlaşan avtomobillərə mühərrikləri söndürülməmiş xidmət göstərilməsi aşkar edilib. Həmin yanacaqdoldurma məntəqəsində də insanların həyatı və obyektlərin fəaliyyəti təhlükə altına qoyulub.
[rating-type-4]
{likes}
{dislikes}
[/rating-type-4]
Ramazanın doqquzuncu gününün duası - İmsak və iftar vaxtı

Sabah Ramazan ayının doqquzuncu günüdür.

Sabah imsak vaxtı saat 05:20-də, iftar vaxtı isə 19:06-dadır.

İmsak duası:

“Allahumməc-əl li fihi nəsibən min rəhmətikəl-vasiə. Vəhdini fihi libərahinikəs-satiə. Və xuz binasiyəti ila mərzatikəl-camiə. Biməhəbbətikə ya əmələl- müştaqin”.

Tərcüməsi:

İlahi, bu gün öz bol rəhmətini mənə nəsib et. Məni öz parlaq dəlillərinlə istiqamətləndir. Məni sənin razılığına bais olan və hər cür xeyri özündə cəm edən əməllərə doğru çək. Məhəbbətinə and verirəm, ey şövqlülərin istəyi!

İftar duası:

“Allahummə ləkə sumtu və əla rizqikə əftərtu və əleykə təvəkkəltu. Bismillahir-Rəhmanir-Rəhim. Ya vasiəl-məğfirəti iğfirli!”

Tərcüməsi:

“İlahi, səndən ötrü oruc tutdum, sənin verdiyin ruzi ilə iftar açdım və sənə təvəkkül etdim. Bağışlayan və mehriban Allahın adı ilə. Ey hüdudsuz bağışlama sahibi, mənim günahlarımı bağışla!”

Allah orucunuzu qəbul eləsin!
[rating-type-4]
{likes}
{dislikes}
[/rating-type-4]
Tenderə nəzarət edən dövlət qurumunun özü qanunsuz tender keçirir? – FOTOFAKT

İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti “Baku Electronics” MMC (VÖEN – 1500046141) ilə satınalma müqaviləsi imzalayıb.

Yenixeber.org: Bir mənbədən satınalma metodu əsasında imzalanan müqaviləyə görə “Baku Electronics” MMC Antiinhisar və İstehlak Bazarına Nəzarət Dövlət Xidmətinin sifarişi ilə mətbuat nümayəndələrinə hədiyyələr təqdim edəcək və qarşılığında 4 min 499 manat 50 qəpik alacaq.
Məlumat üçün bildirək ki, bu müqavilə üzrə satınalma proseduru dövlət satınalmalarının vahid internet portalında keçirilməyib.
“Dövlət satınalmaları haqqında” Qanunun 15.1 maddəsində göstərilir ki, məxfi məlumatlar istisana olmaqla bütün dövlət satınalmaları yalnız portal vasitəsilə həyata keçirilir.
Eyni zamanda Qanunun 49-cu maddəsində qeyd olunur ki, bir mənbədən satınalma metodu aşağıdakı hallarda tətbiq olunur:
- Satınalma predmeti yalnız hər hansı konkret təchizatçıda olduqda;
- Satınalma predmetinin əvəzedicisi və alternativi olmadıqda;
- Satınalma predmetinə təcili tələbat yarandıqda;
- Təbii fəlakətlər, texnoloji qəzalar, epidemiyalar baş verdikdə və fövqəladə xarakter daşıyan digər hallarda bilavasitə insanların həyat və sağlamlığına vurulan ziyanın qarşısının təcili alınması məqsədilə;
- Satınalma predmeti kəşfiyyat və əks-kəşfiyyat fəaliyyətini təmin edən tələbata aid olduqda.
Qanunun tələblərindən də göründüyü kimi, mətbuat nümayəndələrinə hədiyyələrin təqdim edilməsi məxfi məlumat hesab oluna bilməz. Bu səbəbdən də, Antiinhisar və İstehlak Bazarına Nəzarət Dövlət Xidmətinin satınalma prosesini bu şəkildə keçirməsi başa düşülən deyil. Üstəlik müqavilənin hansı səbəbdən bir mənbədən satınalma metodu ilə imzalandığı da aydın deyil.
Bunlardan başqa, İqtisadiyyat Nazirliyi yanında Dövlət Vergi Xidmətinin açıqladığı məlumatda göstərilir ki, “Baku Electronics” MMC-nin 12 mart 2024-cu il tarixinə dövlət büdcəsinə 1 milyon 213 min 691 manat 29 qəpik vergi borcu var.
Tenderə nəzarət edən dövlət qurumunun özü qanunsuz tender keçirir? – FOTOFAKT

“Dövlət satınalmaları haqqında” Qanunun 23.3.5.1-ci maddəsinin tələblərinə görə, satınalma müqaviləsinin bağlana bilməsi üçün təchizatçının vergilər və digər icbari ödənişlər üzrə vaxtı keçmiş öhdəliklərinin olmaması lazımdır. Əgər satınalma müqaviləsi imzalanan zaman “Baku Electronics” MMC-nin vergi borcu olmayıbsa, o zaman şirkətin müqavilədən sonrakı qısa müddət ərzində 1,2 milyon manatlıq vergi borcunun yaranması da başa düşülən deyil.
Tenderə nəzarət edən dövlət qurumunun özü qanunsuz tender keçirir? – FOTOFAKT

Onu da bildirək ki, Antiinhisar və İstehlak Bazarına Nəzarət Dövlət Xidməti təkcə “Baku Electronics” MMC ilə deyil, daha 3 şirkətlə satınalma müqaviləsi imzalayıb. İmzalanan müqavilələrin hamısı bir mənbədən satınalma metodu əsasında və dövlət satınalmalarının vahid internet portalından kənar həyata keçirilib.
Tenderə nəzarət edən dövlət qurumunun özü qanunsuz tender keçirir? – FOTOFAKT

Antiinhisar və İstehlak Bazarına Nəzarət Dövlət Xidməti “Alfa Nuts” MMC (VÖEN – 1007563851) ilə 2 min 500 manatlıq, “Copy” MMC (VÖEN – 1500046141) ilə 1 856 manatlıq, “Caspel” MMC (VÖEN – 1300701451) ilə 59 min 613,6 manatlıq müqavilə imzalayıb.
Yazıda qeyd olunan müəmmalı məqamlara aydınlıq gətirmək üçün suallarımızı Antiinhisar və İstehlak Bazarına Nəzarət Dövlət Xidmətinin mətbuat xidmətinə ünvanladıq. Mətbuat xidməti sullarımıza cavab veriləcəyini bildirsə də, bu günə kimi heç bir cavab ala bilməmişik.
Onu da qeyd edək ki, Antiinhisar və İstehlak Bazarına Nəzarət Dövlət Xidməti dövlət satınalmalarına (tender müsabiqələrinə) nəzarəti həyata keçirən dövlət qurumudur.(yeniavaz)
Elnur Əli
[rating-type-4]
{likes}
{dislikes}
[/rating-type-4]
" “Istanbul NS Klinikası Baku”nun cəlladları anamı öldürdülər!!!" - Jurnalist ÜSYAN ETDİ

"Istanbul NS Klinikası Baku"nun cəlladları anamı öldürdülər!!!" Dia-az.info bildirir ki, bunu jurnalist Fərahim İlqaroğlu özünün "Facebook" səhifəsində yazıb.
Jurnalist daha sonra əlavə edib: "Dünən, bu gün heç bir problemi olmayan anama klinikada sistem vurublar. Elə oradaca keçinib. Tibb bacısı Mələk Abbasova yoxlamadan etmədən sistem köçürüb. Həkimi İlham Hüseyn isə yaxasını çəkib, durub kənarda ki, mənlik deyil. Sanki müalicələri o yazmamışdı. Hələ bu yetməzmiş kimi məsuliyyətdən boyun qaçırmaq üçün təcili yardımla evə göndərmək istəyiblər ki, guya evdə keçinib. İlham Hüseynin tapşırığı ilə keçinən anamı tez reanimaisya şöbəsinə keçirib, süni nəfəs aparatına bağlayıblar ki, guya müdaxilə olunub, ancaq xilas edə bilməyiblər. Tibb bacısı M. Abbasova özü mənə dedi ki, sistemin altında keçinib..."(Dia-az.info)

XƏBƏR LENTİ

14:19

12 illik icra başçısının gözqamaşdıran SƏRVƏTİ... - Nələr var, nələr...

13:38

Londonda 85 milyonluq məhkəmə işi ilə gündəm olan deputatın oğlu Bakıda obyekt tikir - DETALLAR

13:33

İcra başçısı üçün 57 minə xidməti avtomobil -Seymur Orucov maşınını yeniləyir

11:50

Niyazi Bayramovun başı dərddə -Gəncədə daha kimlər həbs oluna bilər?

11:08

Elm və Təhsil Nazirliyinin ŞÜBHƏLİ qrant müsabiqəsi - Pullar paylanıb, ancaq…

10:29

Türkiyənim Azərbaycandakı səfirinin qardaşı oğlu DƏLƏDUZ ÇIXDI - TƏFƏRRÜAT

10:06

"Azpetrol" məntəqələrində TOTAL TƏFTİŞ... - İnsanların həyatı təhlükəyə atılıb!

21:50

Ramazanın doqquzuncu gününün duası - İmsak və iftar vaxtı

18:51

Tenderə nəzarət edən dövlət qurumunun özü qanunsuz tender keçirir? – FOTOFAKT

18:26

" “Istanbul NS Klinikası Baku”nun cəlladları anamı öldürdülər!!!" - Jurnalist ÜSYAN ETDİ

17:35

Ağacları qırıb yerinə beton tökdülər - AXI NİYƏ?

16:58

“Bundan sonra bura Zəfər meydanıdır”

16:40

Prezident xalqı təbrik etdi

16:09

Şahbuzda müəllimlərin 7-ci sinifdə oxuyan qıza qarşı VƏHŞİLİYİ... - BU NƏDİ BELƏ?!

15:29

Ruhi elə bilir ki yardım paylayıb deputat olacaq... - VİDEO

14:36

Vergi Xidməti bu müəmmanı açacaqmı? - Bir ünvanda qeydiyyata alınmış onlarla MMC-nin arxasında kimlər durur

13:56

Dələduzluq edən sabiq bələdiyyə sədri ilə bacısı yenidən məhkəmə qarşısında - TƏFƏRRÜAT

13:03

Prezident Xankəndidə Novruz tonqalını alovlandırıb, xalqı təbrik edib

12:36

Vüqar Kərimovla iş adamı Tehran Lətifovun işbirliyi Şəkidə nə qədər ağacın kəsilməsinə səbəb olub - İLGİNC İDDİALAR...

11:50

"Bura gələndə özünüzlə yemək gətirin..." - GİLEY

10:57

Qazaxda diş həkimi azyaşlı xəstəni DÖYDÜ - Valideynlərinin GÖZÜ QARŞISINDA...

10:14

"Bəs sonra sizi mənim əlimdən kim alacaqdı?" - ETİRAZ

23:23

Müqayis Verdiyevin dələduzluğ əməli İFŞA OLUNDU – Şəhidlər xiyabanını abadlaşdırma adı ilə talanan milyonlar…

17:02

Azərbaycan təhsilində kitab vəsaiti PROBLEMİ: - "Dərsliklər ali məktəbə hazırlıq üçün predmet deyil, məktəblini..."

16:03

Təhməzovun “OVQAT”I NİYƏ KORLANMIR? - İLGİNC İDDİALAR...

12:00

Cahid Hüseynovun və qohumlarının “Azəriqaz”dakı QANUNSUZ ƏMƏLLƏRİ... - ŞOK İDDİA

11:30

Azərbaycanda insanlar daha çox taksi, avtobus, yoxsa metrodan istifadə edirlər? - VİDEO

11:00

Bakıda yeni hava limanı tikilir - Video

10:40

Kurskda PUA hücumu təhlükəsi elan edildi

10:20

Rusiyadakı seçkiləri diqqətlə izləyirik - Kirbi

10:00

Əhalinin DİQQƏTİNƏ! Təhlükəli mesajlar göndərilir

23:54

Ramazanın altıncı günü: İftar və imsak vaxtları

23:32

"Qarabağ"a qollar vurdu, həftənin ən yaxşısı oldu

18:56

Sabunçuda SİRLİ-SEHİRLİ inşaat işləri... - Hamı görür, amma kimsənin xəbəri yoxdur...