Rusiyalı məşhur aktyor Aleksey Panin Rusiyadan getməyə hazırlaşır.
Bunu Panin ukraynalı jurnalist Dmitri Qordona müsahibəsində deyib.
“Biz hazırda mənzilimizi satıb, İspaniyanın Toryevyexa şəhərinə köçürük. Balaca mənzil alacağıq ki, mənim ayağım bir də Rusiyaya dəyməsin”, – deyə o bildirib.
O, həmçinin Krımın Rusiyaya anneksiyasını əvvəllər dəstəklədiyinə görə peşman olduğunu deyib:
“Mən əvvəl Rusiya təbliğatına inanırdım. Sonra gözüm açıldı. Mən Putinin siyasətini dəstəkləmirəm. İstəmirəm ki, 12 yaşlı qızım Rusiyada yaşasın. Mənim üçün vacib olan onun Avropa dəyərli insanlar arasında böyüməsidir. Qoy ofisiant olsun, amma bu ölkədə olmasın”.
Panin, həmçinin Rusiyanı ölümə məhkum ölkə adlandırıb. (Kult.az)
Zamantv.az