Türkmənistanda “Vikipediya”nı bağladılar: Prezident haqqında artıq-əskik yazılıbmış

Türkmənistanda internet ölkə vətəndaşları üçün bağlı olmasa da, ciddi nəzarət altındadır. Məsələn, bu günlərdə Asiya dövlətində “Vikipediya”nı bağlayıblar.
Bizimyol.info xəbər verir ki, Türkmənistan hökuməti bu portalı prezident Qurbanqulu Berdıməhəmmədov haqqında artıq-əskik yazmaqda ittiham edir.

Hərçənd, sayta az qala istənilən adam material yerləşdirə, dəyişikliklər edə bilər.

Berdıməhəmmədov haqqında məlumatlara noyabrın 5-də yeni informasiyalar əlavə olunub. Burada Türkmənistan prezidenti yaxşı xarakterizə edilməyib. Burada 2010-cu ildəki “Vikiliks” sənədlərindən istifadə olunub.

“Berdıməhəmmədov şübhəli, heç kimə güvənməyən, məhdud təfəkkürlü, çox mühafizəkar, saxtakar, “yaxşı aktyor”dur. Berdıməhəmmədov heç nəyi unutmur. Mənbə həm də Berdıməhəmmədovun çox səliqəli və təmizkar adam olduğunu, başqalarından da bunu tələb etdiyini bildirir. O, diş klinikasının müdiri olanda bütün kişi həkimlərdən işə ütülü şalvarda gəlməyi tələb edirdi. 30 il əvvəl Berdıməhəmmədov yağış yaşanda öz maşınından çirkləndirməmək üçün istifadə etməyib taksiyə minərmiş. Qurbanqulu diplomatlardan biri ilə söhbətində etiraf edib ki, bütün türkmənləri bərabər saymır. Prezidentin fikrincə, ölkənin cənubundakı Baharlı və Kaka rayonlarında yaşayanlar əsl türkmənlərdir, digərləri isə başqa xalqlarla qaynayıb-qarışıb. Diplomatlar onu millətçi kimi xarakterizə edir”, - portalda belə yazılıbmış.

“Vikipediya”da yazılanlara görə, Berdıməhəmmədov ağıllı adamları sevmir. Çünki intellekti yoxdur. Qurbanqulunun İranı, Türkiyəni və ABŞ-ı sevmədiyi bildirilir. Onun Qazaxıstan təhlükəsizlik şurasının rəhbəri Nursultan Nazarbayevdən də xoşu gəlmədiyi qeyd edilir.

Zamantv.az