Azərbaycanda sol mətbuatın flaqmanı olan “Kommunist” onlayn qəzetinin baş redaktoru Ədalət Abdinovun doğum günüdür. Oktyabrın 16-da 62 yaşı tamam olur.
Ədalət Abdinovun ad günü təkcə ailəsi üçün deyil, hər bir kommunist, vətənpərvər insan, hər bir həqiqi dostu, əqidə yoldaşı üçün əlamətdardır. Ən başlıcası isə bu gün Azərbaycanımız qüdrətli və sarsılmaz ordusu ilə torpaqlarını düşməndən azad edir. Şərəfli tarix yazan Ali Baş Komandanımız zəfər çalır!
Dəyərli həmkarımız üçün bayram ovqatlı bu sevincli gündə səmimi qəlbdən möhkəm cansağlığı, rifah, tükənməz enerji və nikbinlik diləyi ilə onu ürəkdən təbrik edirəm.
Qoy etibarlı dostları həmişə yanında olsun, doğmalarının və yaxınlarının sevgisi və dəstəyi öncülü olduğu Azərbaycan kommunist hərəkatı naminə müvəffəqiyyətlər qazanmaq üçün ona güc versin.
Qoy, ömrünün hər günü onu xoş müjdələrlə sevindirsin, bütün arzuları çin olsun.
Ədalət Abdinov əqidə bütövlüyü və sadiqliyi ilə, müasirlik baxımından marksizm-leninizm təliminə əzmkarlıqla yanaşmağı, heyrətamiz işgüzarlığı və strateji təfəkkürü, nəcib şəxsi keyfiyyətləri sayəsində Azərbaycan kommunist Partiyasının sağlam qüvvələrinin həqiqi ehtiramını və dərin məhəbbətini qazanmışdır.
Hörmətli Ədalət müəllimə və xanımı – Azərbaycan Respublikası kitabxana sisteminin peşəkar, təcrübəli və nüfuzlu kadrlarından biri olan Cəmilə Abdinovaya firavanlıq və xoşbəxtlik arzulayıram.
Xəyal İmrə,
Zamantv.az İnformasiya Agentliyinin rəhbəri
Zamantv.az