Azərbaycan Respublikasının Prezidenti İlham Əliyevin bəşəriyyətin bəlasına çevrilmiş COVID-19 koronavirus pandemiyasının ölkə ərazisində yayılmasının qarşısının alınması, vətəndaşların sağlamlığının qorunması məqsədilə sosial həmrəylik nümayiş etdirilməsi barədə nəcib tövsiyələrinə uyğun olaraq irəli sürdüyü təşəbbüsə Lənkəran Dövlət Dram Teatrının kollektivi də qoşulub.
Bizimyol.info xəbər verir ki, teatrın direktoru Tofiq Heydərovun verdiyi məlumata görə, martın 29-da rəhbərlik etdiyi kollektivin adından müəyyən miqdarda vəsait ölkə başçısının “Azərbaycan Respublikasında əhalinin sağlamlığının qorunması və koronavirus infeksiyasına qarşı mübarizənin gücləndirilməsi ilə bağlı tədbirlər haqqında” müvafiq Fərmanına əsasən yaradılmış Koronavirusla Mübarizəyə Dəstək Fonduna(KMDF) köçürülüb.
“Dünyanı cənginə almış koronavirus pandemiyasının respublikamızın ərazisində yayılmasının qarşısının alınması, vətəndaşlarımızın sağlamlığının qorunması məqsədilə Prezident İlham Əliyevin tapşırıqları əsasında hökumətin həyata keçirdiyi tədbirləri yüksək qiymətləndirir və bu istiqamətdə üzərimizə düşən vəzifələrin yerinə yetirilməsində əlimizdən gələni əsirgəmirik. İlin sonuna kimi KMDF-na bacardığımız qədər vəsait köçürməyi qarşımıza məqsəd qoymuşuq,”-deyə Tofiq Heydərov bildirib.
Zamantv.az