Nəvə sevincləri

Gündüzlər Günəşim, gecələr Ayım,
Tanrıdan gələn ən şirin payım.
Ay mənim diləyim, mənim ürəyim,
Babanın gözünə Sən bir işıqsan.
Ömrünə, gününə Sən yaraşıqsan.

Nəvədir nənənin şirin kəlməsi,
Ən həzin nəğmədir nəvənin səsi.
“Mahur”un, “Dilkəş”in hər zəngüləsi,
Ana laylasından qopan nidadır,
Nəvə sevincləri ömrü yaşadır!

Bağbanın xidməti ağaclardadır,
Atanın şöhrəti uşaqlardadır.
Ana məhəbbəti nələr yaradır?!
Ana məhəbbəti ömrü uzadır,
Nəvə məhəbbəti ömrü yaşadır!!!

Bəli, xalqımızın gözəl deyimlərindən birində deyildiyi kimi, “Dövlətdə dəvə, övladda nəvə” şirindir. Bu ayazlı-şaxtalı qış günlərinin birində Bahar gəlməmiş Tərlan kişinin evinə əsil “Bahar” gəlmişdi. Qadir Allah Mehriban anaya oğlu Telman və gəlini Nigar vasitəsilə gözəl 8 mart hədiyyəsi vermişdi.

Beləliklə, Tərlan kişi ilk dəfə baba, Mehriban ana isə nənə oldu və ən böyük arzularına çatdılar. Gözünüz aydın olsun Tərlan baba!
Qoy, dünyaya gələn qız balanın ayağı sayalı olsun! Ailənin yeni “Günəşinə”, şəfəq dolu nuruna, Alidə balaya xoşbəxt ömür, gözəl günlər və səadət arzulayırıq.

Bu təbrikə “Zamantv.az”ın baş redaktorun I müavini Əflatun Əhədov və həyat yoldaşı Məlahət xanım da qoşulurlar. Tərlan müəllimi və Mehriban xanım ilk nəvələri olması münasibətilə ürəkdən təbrik edirlər.

Zamantv.az