“Şəhərin mərkəzində alternativ yol var, daha doğrusu, adı var, özü yoxdur. Neçə ildir ki, 5-6 kilometrlik bu yol “yoxa çxıb”. Hansı ki, əsas yolda qəza, qazıntı, tıxac olanda sürücülər həmin alternativ yoldan istifadə etməlidir ki, tıxac aradan qalxsın. Neçə illərdir ki, həmin yol ayrı-ayrı adamlara satılıb, icarəyə verilib. Biri mağaza, digəri bazar, başqa biri iaşə obyekti açıb…”

“5-6 kilometrlik yol zəbt edilib”

Mingəçevir sakini Murad Musayev deyir, şəhərin mərkəzindəki Heydər Əliyev prospektinə alternativ yol uzun illərdir ki, əhaliyə yoldan başqa hər cür xidmət göstərir. Nəticədə əsas yolda tıxac yarananda sürücülər çarəsiz qalır:

“Söhbət Göyərçin abidəsindən Kürün körpüsünədək uzanan 5-6 kilometrlik yoldan gedir. O yolun kənarında kimin obyekti varsa, pulunu verib, obyektin yola düşən qarşısını zəbt edib. “Fəzailin bazarı” deyilən yer var, bazarı yola çıxarıb, “Azərkabel”in filialı var, yoldan götürüb, öz ərazisinə qatıb. Biri gül əkib, biri hissəsi kənd məhsulları gətirənlərə gündəlik icarəyə verilir. Bir sözlə, yoldan əsər-əlamət qalmayıb”.

Şəhər sakinin deməsinə görə, kənardan gələn avtobuslar da həmin ərazidə park edir. Nəticədə şəhəriçi hərəkət edən və əsas dairəyə daxil olub prospektə çıxmalı olan avtomobillər məcburiyyət qarşısında yol hərəkəti qaydalarını pozurlar.

“Ciblərə pullar axır”

Şəhərin başqa sakini Eldəniz Səfərov da eyni problemdən danışır. O, bu problemin yeni olmadığı vurğulayır:

“Mən demirəm ki, bu vəziyyəti indiki icra hakimiyyəti, indiki bələdiyyə yaradıb. Bu, çoxdankı məsələdir. Ancaq şəhərin rəhbərliyi dəyişdikcə, problem yerində qalır. Heç bir məmur bu biabırçılığı aradan qaldırmaqda maraqlı deyil, çünki ərazidən ciblərə pullar axır. Hamı bilir ki, bu işlərin başında kimlər dayanır. Sıradan biri çıxarıb küçəyə bir masa qoysa, yüz yerdən yaxınlaşıb sorğulayarlar, qarşısını alarlar. İcra hakimiyyətinin xəbəri olmadan belə işlər görmək mümkün deyil”.

Eldəniz Səfərovun sözlərinə görə, şəhər sakinləri alternativ yolun yükdən azad edilərək onlara qaytarılması üçün dəfələrlə aidiyyəti qurumlara müraciət etsə də, nəticəsi olmayıb.

Mingəçevir Şəhər İcra Hakimiyyətindən Meydan TV-yə bildirilib ki, ərazidə avtomobillərin və piyadaların hərəkətinə hər hansı ciddi əngəl yoxdur. Qurumun əməkdaşları ərazidəki küçə ticarətilə mübarizə aparmaq üçün şəhər polisiylə birgə vaxtaşırı reydlərdə iştirak edir:

“Əksinə, o yolda yararsız hala düşmüş asfalt hissələri təzələnir, sahibkarlara tez-tez xəbərdarlıqlar olunur ki, malları yola yaxın əraziyə yığmasınlar”, – qurumdan bildirilib. //Meydan TV//

Oktyabrın 1-də Bolqarıstan Respublikasının paytaxtı Sofiya şəhərində Yunanıstan-Bolqarıstan Qaz İnterkonnektorunun (IGB) açılış mərasimi keçirilir.

Azərbaycan Respublikasının Prezidenti İlham Əliyev mərasimdə iştirak edir.

Xəbər verdiyimiz kimi, bu yaxınlarda 19 özəl daşıyıcı şirkət dövlət rəhbərliyinə kollektiv müraciət ünvanlayıb və bildirilib ki, hər gün daşıdıqları sərnişin sayına görə toplanan vəsaitin 5%-ni “BakıKart”a ödəyirlər.
DİA.AZ yeniavaz.com-a istinadla xəbər verir ki, daşıyıcı şirkətlər bunun kifayət qədər böyük faiz olduğunu bildirərək həmin rüsumun azaldılmasını xahiş ediblər.
Daşıyıcı şirkətlərin bu açıqlamasından sonra nəqliyyat sahəsi üzrə ekspert Elməddin Muradlı bildirib ki, sərnişinlərin “BakıKart” vasitəsilə ödədiyi gediş haqqının 5%-i BNA-a tərəfindən tutulur.
BNA-nın mətbuat xidmətinin rəhbəri Mais Ağayev isə Elməddin Muradlını yalan danışmaqda ittiham edib və bildirib ki, sərnişin sayına görə toplanan vəsaitin 5%-ni bu sahədə fəaliyyət göstərən ödəniş operatoru olan şirkətə ödənilir. BNA rəsmisi deyib ki, bu prosedur da daşıyıcı şirkətlə operator arasında hüquqi müstəvidə imzalanan müqavilələrlə tənzimlənir.

Məlumat üçün bildirək ki, BNA rəsmisi daşıyıcı şirkətlərdən gediş haqqının 5%-ni tutan operatorun kim olduğunu açıqlamayıb.
Yeniavaz.com-un apardığı araşdırma göstərir ki, daşıyıcı şirkətlərdən gediş haqqının 5%-ni tutan operator, yəni “BakıKart”ın sahibi olan şirkət – “K Group” MMC-dir (VÖEN – 1402954871).
Maraqlıdır ki, “BakıKart”ın rəsmi veb-saytı olan “bakikart.az”da bu şirkət barəsində heç bir məlumat qeyd olunmayıb. Veb-sayta baxdığımız zaman sanki sayt tərtib olunarkən “K Group” MMC-nin adı bilərəkdən gizli saxlanılıb. Lakin, “bakikart.az” domain adının “K Group” MMC-yə məxsus olduğunu gizlədə bilməyiblər (ya da unudublar).

Təkcə Bakı metrosundan gün ərzində orta hesabla 535 min sərnişinin istifadə etdiyini nəzərə alsaq, “K Group” MMC-nin “BakıKart” vastəsilə ödənilən vəsaitlərdən xeyli gəlir əldə etdiyini görə bilərik. Məsələn, bu rəqəm təkcə Bakı metrosundakı sərnişin sayına görə, gün ərzində 8025 manat edir. Bu da bir ayda 240 min 750 manat, bir ildə isə 2 milyon 889 min manat edir.

Adına “Bakikart.az” saytında rast gələ bilmədiyimiz “K Group” MMC-nin sahibi kimdir?
Açıqlanan rəsmi məlumatlardan belə görünür ki, “K Group” MMC 03.11.2014-cü il tarixində dövlət qeydiyyatına alınıb. Nizamnamə kapitalı 3 milyon 10 manat olan MMC-nin qanuni təmsilçisi Bayramov Orxan Xanlar oğludur. Hər il milyonlarla vəsait əldə edən “K Group” MMC kimi Orxan Bayramov haqqında da açıq internet resurslarda heç bir məlumat yoxdur.
Məlum olan isə odur ki, “K Group” MMC-nin dövlət qeydiyyatına alındığı hüquqi ünvan “Bakı şəhəri, Nəsimi rayonu, 20 Yanvar, ev 3. M. 13”də “GMSA” MMC (VÖEN – 1402774731) adlı daha bir şirkət qeydiyyata alınıb. “K Group” MMC ilə eyni ildə - 2014-cü ildə dövlət qeydiyyatına alınan şirkətin qanuni təmsilçisi BNA-nın rəhbəri Kərimli Vüsal Ağaməmməd oğludur.
Göründüyü kimi, “BakıKart” vasitəsilə ödənilən gediş haqqının 5%-i birbaşa olaraq BNA tərəfindən tutulmasa da, bu vəsait BNA rəhbərinə bağlılığı olan şirkətin büdcəsinə daxil olur.

Diktator və işğalçı Putin avtomat silahlar altında keçirtdiyi qanunsuz və saxta “referendum”lar nəticəsində Ukraynanın 4 vilayətini ilhaq etdi. Artıq həmin vilayətlərlə Krım ərazisinin “Novorossiya Federal Dairəsi” adı altında birləşməsi haqda təşəbbüslər səslənir...

*** ***

2008-ci ildə ordusunu Gürcüstana soxan Kreml tərəfindən həmin ölkənin bir hissəsini faktiki işğalını təsdiqləməsi, 2014-cü ildə isə Krımın eyni üsulla ilhaqı baş verəndən sonra dünya ictimaiyyəti, o cümlədən Qərb, ABŞ beynəlxalq qanunların tapdanmasına səbəb olan bu olaya kifayət qədər qətiyyətli müqavimət göstərmədi... Görünür, burada həmin dövrlərdə Əfqanıstanda, İraqda, Suriyada, Liviyada milyonlarla insanın qətli, şikəstliyi və didərginliyi ilə nəticələnən mənasız savaşlar aparan Qərbin gözükölgəliyi də öz rolunu oynadı...

Nəticədə Putin rejiminin himayəsi ilə Donbas və Luqanskda eynilə 31 il öncə Qarabağda olduğu kimi, separatçı-terrorçu qurumlar elan edildi. 8 il sonra isə artıq həmin üzdəniraq qurumların “müstəqilliyi”nin tanıyan Putin Ukraynanın digər ərazilərinə hücum etməyə “əsas” qazandı... Yalnız bundan sonra Qərb Rusiyaya qarşı ciddi sanksiyalar tətbiq etdi və Ukraynaya hərbi yardıma başladı. Buna rəğmən bu ölkənin daha iki vilayətinin (Zaporojye və Xerson) xeyli hissəsi işğal edildi. Və dünən məhz həmin vilayətlər də daxil olmaqla Ukrayna torpaqlarının növbəti ilhaqı baş verdi...

*** ***

Dünya yenə də tam qətiyyətlə Putin rejiminin işğal və ilhaqına qarşı çıxmır. Planetdə sülh, sabitlik və təhlükəsizliyə ən böyük təhlükə olan, lideri dünyanı nüvə silahıyla hədələyən işğalçı Rusiya hələ də BMT Təhlükəsizlik Şurasının üzvlüyündən kənarlaşdırılmır və bunun sayəsində həmin qurumun Ukraynanın dörd regionunda keçirilən “qeyri-qanuni referendumları” pisləyən qətnaməsinə veto qoyur... Digər tərəfdən, Rusiyanın işğalçı addımlarına qarşı qəti mövqe tutmaqda tərəddüd edən Çin, Hindistan, Braziliya kimi iri və xırda ölkələr, eləcə də Şimali Koreya kimi diktatura rejimləri mövcuddur...

*** ***

Rusiya daxilində də işğalçı və avtoritar Putin rejiminə müqavimət kifayət qədər deyil. “Qismən səfərbərlik” qərarından sonra bir sıra şəhərlərdə etiraz aksiyaları başlasa da, yetərincə kütləvi olmaması səbəbindən güc strukturları tərəfindən asanlıqla yatırıldı...

*** ***

Hay qalxıb ki, Rusiya da, ərazisini iğtişaşlar bürümüş İran da tezliklə dağılacaq. Zəngəzur da, Göyçə də, Güney Azərbaycan da Azərbaycan Respublikasına birləşdiriləcək... Ancaq müşahidə və təhlillər göstərir ki, bunun üçün gərəkli obyektiv və subyektiv amillər tam yetişməyib. Odur ki, proses hələ bir müddət çəkəcək... Fəqət, həmin naməlum müddət ərzində hələ hər iki imperiya tərəfindən qonşuluqlarındakı digər keçmiş müstəmləkərinə qarşı da müxtəlif formada təhlükələr yaradıla bilər... Təəssüf ki, həmin qonşu ölkələrdə, o cümlədən Gürcüstan, Ermənistan və Azərbaycanda da Rusiyanı dəstəkləyən xeyli təsirli qüvvələr var... Və onlar Qərbin, xüsusən də NATO üzvü olan Türkiyənin buradakı sabitləşdirmə və quruculuq planlarına qarşı fəal müqavimət göstərirlər...

*** ***

Bütövlükdə dünyada və bölgədə Qorxu, Tamah və Ehtiyac hissləri bəşəriyyəti Şər qüvvələr qarşısında diz çökməyə sürükləyir... Vicdanla, Qeyrətlə əxlaqsızlığın, qeyrətsizliyin -Şərin qlobal savaşı gedir...

*** ***

Putin dünənki – növbəti ilhaq aktı ilə bağlı çıxışında da dedi ki, bizim məqsədimiz SSRİ-ni bərpa etmək deyil. Ancaq həmin növbəti ilhaq aktı da sübut etdi ki, əslində buna doğru addımlar atılır. Lukaşenkonun bu günlərdə gözlənilmədən Gürcüstanın faktiki olaraq Rusiya tərəfindən işğal olunmuş Abxaziya ərasisinə və “Putinlə gecəyədək müzakirə etdik və qərara gəldik ki, Abxaziyanı tək qoymaq olmaz” deməsi də təhlükəli presedentdir... Unutmaq olmaz ki, Abxaziyadan bir az cənubda Güney Qafqazın digər qaynar bölgəsi Qarabağ yerləşir...

*** ***

Və Putinin Ukraynanın 4 vilayətini ilhaq etməsi ilə bağlı dünənki təntənəsindən sonra bilirsiz, bəlkə də Moskvanın Gürcüstandakı, Azərbaycandakı və Ermənistandakı “5-ci kalon”larının ürəyindən nə keçir? Hər üç respublikanın “Cənubi Qafqaz Federal Dairəsi” adı altında Rusiya Federasiyasına daxil edilməsi...
Mərkəzi Asiyadakıların isə eyni adlı “federal dairə”nin eyni imperiyaya daxil edilməsi...
Əgər bundan sonra dünya ictimaiyyəti tərəfindən Rusiyaya qarşı beynəlxalq təzyiq və müqavimət daha da gücləndirilməzsə, Ukraynaya hərbi yardımın maksimum artırılmazsa, eləcə də Qazaxıstan, Mərkəzi Asiya, Moldova və Cənubi Qafqazda Kremlin “5-ci kalon”larına qarşı sərt və ciddi müqavimət göstərilməzsə, Türkiyə ilə qardaşlıq, dostluq və ittifaq daha da dərinləşdirilməzsə, bunları da görə bilərik...

Sultan Laçın //moderator.az//

“Baku Steel Company” MMC – poladəritmə zavodunun Müşahidə Şurasının keçmiş sədri, 2021-ci ilin yanvarından həbsdə olan iş adamı Rasim Məmmədovun işində əsas suallardan biri “Azeri Steell-2009” şirkətilə bağlıdır. Cinayət işinin materiallarında iddia olunur ki, bu şirkət əslində, Rasim Məmmədova məxsus olub, sadəcə, rəsmi sənəddə başqasının adı gedib. O, həmin şirkət vasitəsilə də “Baku Steel Company”ə ziyan vurmaqda ittiham olunur. İddia edilir ki, Rasim Məmmədov “Baku Steel Company”nin armaturlarını bazar qiymətindən daha ucuz həmin şirkətə satıb. Sonra o şirkət armaturları müştəriyə daha baha qiymətə satıb.

Rasim Məmmədov bundan öncəki məhkəmə iclaslarında dəfələrlə deyib ki, həmin şirkət ona məxsus olmayıb. Amma kimə məxsus olduğunu da deməyib. Birbaşa ifadə etməsə də, dolayısıyla bildirib ki, həmin şəxsin adını dilə gətirmək təhlükəlidir.

Rasim Məmmədovun işi üzrə sentyabrın 30-da keçirilən məhkəmə iclasında şahidlər dindirilərkən bu məsələ yenidən sorğu-sual mövzusu olub.

Məsələn, “Baku Steel Company”də maliyyə direktoru işləmiş, eyni zamanda, “Azeri Steel”in də maliyyə məsələlərinə nəzarət etmiş Mübariz Səmədov dindiriləndə bu barədə ətraflı danışıb. O bildirib ki, Dövlət Təhlükəsizliyi Xidməti (DTX) Rasim Məmmədovu tutmamışdan iki ay əvvəl onu çağırmışdı. O da DTX-ya getməmişdən əvvəl Rasim Məmmədovgillə görüşüb, bu haqda danışıb:

“Azeri Steel”ə getdim, Rasim, Çingiz, Yusif otaqdaydı. Dedim ki, məni DTX-ya çağırıblar, bu “Azeri Steel” kimindir, orada nə deyəcəm? Hamısı bir-birinin üzünə baxdı, heç kimdən səs çıxmadı”.

Məhkəmə zalında Rasim Məmmədov bu məqamda müdaxilə edərək deyib: “Qorxduq deməyə…”

Mübariz Səmədov deyir ki, DTX-dan çıxandan sonra “Azeri Steel”ə gəlib, şirkətin 10 illik hesabatıyla bağlı bütün məlumatları iki flaşkarta yığıb. Həmin flaşkartları özündə saxlayıb. Rasim Məmmədov həbs olunan ərəfədə onu yenə DTX-ya aparıblar. Həmin gün Rasim Məmmədova yaxın olan başqa adamlar da DTX-da olub:

“O adamları gecəyarı buraxsalar da, məni səhərə qədər saxladılar. Dedilər ki, öz ərizənlə razılıq ver, evində axtarış aparaq, yoxsa məhkəmə qərarıyla özümüz gedəcəyik. Təzyiq olunduğuna görə razılıq verdim. Birlikdə evimizə getdik, qapıya çatanda dedilər ki, evin altını-üstünə çevirib özümüz tapaq, yoxsa öz xoşunla verirsən? Mən də həmin flaşkartları onlara verdim. Həmin flaşkartda 10 ildə 92 milyon manat haralara gedib, hamısı qeyd olunmuşdu. O 92 milyon manatdan işçilərin maaşı və zavodun digər xərclərini çıxanda 85 milyon gəlir qalır. O 85 milyon manatdan da kimə nə qədər verilib, bunlar kod adları altında qeyd olunub. Məsələn, şirkətin bəzi işçilərinin Dubayda istirahət xərclərindən tutmuş, “Yuxarı-1”, “Yuxarı-2” kod adlara verilən pullara qədər…”.

Bu məqamda da Rasim Məmmədov müdaxilə edərək deyib: “O “Yuxarı” mən olmamışam”.

“Azeri Steel”in rəsmi sahibi də məhkəmədə dindirilib. Məlum olub ki, Əliməmməd Hüseynov adlı bu şəxsin şirkətə heç bir aidiyyəti yoxdur:

“Dedilər ki, Rasim müəllimin şirkətidir, sənin adına açılsın, buna görə ayda sənə 500 manat veriləcək. Mən də razılaşdım. Çünki işsiz idim, pula ehtiyacım vardı. Ayda 500 manat verirdilər. Mən ayda 1-2 dəfə şirkətə gedirdim, orada verilən sənədləri imzalayırdım. Hərdən vergi orqanına da gedirdim, orada da hansısa sənədlərə qol çəkirdim”.

Əliməmməd Hüseynov onu da bildirib ki, Rasim Məmmədovun dostu Yusif Əhmədzadə onun da uşaqlıq dostu olub. Rasim Məmmədov, Mübariz Səmədov və digərlərini də onun vasitəsilə tanıyıb:

“Xətai”də ofis vardı, hamı ora yığılırdı. Rasim Məmmədovu bir dəfə orada görmüşəm. Adıma şirkət açmaq təklifini Mübariz eləmişdi. Onları Yusifə görə tanımışam”.

Təqsirləndirilən Rasim Məmmədov isə “Azeri Steel” şirkətin ona məxsus olması barədə deyilənləri təkzib edib:

“O şirkət mənim olsaydı, öz adamımı təyin edərdim”.

“Baku Steel Company”, “Azeri Steel” şirkətlərində satış meneceri işləmiş Samir Məmmədov bildirib ki, armatur satışıyla məşğul olub. Onun sözlərinə görə, “Azeri Steel” müştəridən sifarişi götürür, ona uyğun “Baku Steel Company”dən armatur alıb, müştəriyə çatdırırdı:

“Azeri Steel” şirkətində satışdan gələn vəsait toplanırdı. Mübariz müəllim pulu hara, kimə deyirdisə, ora da verirdim. Zavodun öz xərcləri olurdu, mala da verilirdi. Rasim Məmmədova da pul verdiyim hallar olub. Özünə də vermişəm, köməkçisinə verirdim. 100 min, 200 min… Müxtəlif məbləğlərdə pul aparıb vermişəm”.

Rasim Məmmədov bu şəxsin yalan danışdığını bildirib. Deyib ki, nə bu adam ona pul gətirib verib, nə də “Azeri steel”də qərar verən şəxs olub:

“Bir dəfə tanıdığım Cəfəri direktor təyin eləmişdim, heç iki ay keçmədi, zəng gəldi ki, “çıxar onu”. Mən də çıxartdım”.

Samir Məmmədov məhkəmədə sualları cavablandırarkən Rasim Məmmədova çatan pulların hara xərcləndiyini bilmədiyini deyib.

Lakin istintaqa ifadəsində bildirib ki, “Azeri Steel” şirkətinin kassasında 39 milyondan çox çatışmazlıq olmuşdu. Çünki o vəsaitlərin bir hissəsi Rasim Məmmədovun xərclərinə getmişdi. 1 milyon “Şüşəli bazar”ın yanında torpaq sahəsi alınmasına; 1.5 milyonu Qutqaşenli küçəsində tikintiyə icazə almağa; Sabunçu bazarının yanında ərazi almağa; Rasim Məmmədovun başqa şirkətlərinə, o cümlədən “Aktau Steel”ə…

Rasim Məmmədov onun yenə yalan danışdığını vurğulayıb.

“Mən bu ölkədə bir adamla işləmişəm, bundan sonra da işləyəcəm. Heç kim mənə tapşırıq verə bilməzdi”, – Rasim Məmmədov məhkəmədə bildirib.

“Baku Steel Company”də metal qəbulu işlərinə baxan şəxslər Zaur İmanov, Bəxtiyar Kələşov da məhkəmədə şahid kimi dindirilib.

Zaur İmanov deyir ki, əhalidən və Müdafiə Nazirliyindən metal qəbul edib.

Bəxtiyar Kələşovun məhkəmədə dediklərilə istintaqdakı ifadəsi arasında ziddiyyət olduğuna görə istintaqdakı ifadə elan edilib. Həmin ifadədə yazılıb ki, zavodun 3 milyon 400 min manat kəsiri olub.

O deyir ki, istintaqa belə söz deməyib:

“Müstəntiq özü mənə dedi ki, sənədlərdə belə bir şey var. Ancaq mən özüm belə bir şey deməmişəm”.

Rasim Məmmədov bildirib ki, bu adam zavodda metal işinə baxıb, kimin zavoda nə göndərməsindən xəbəri olmayıb:

“Bu hardan bilsin ki, Ziya Məmmədov, Cavid Qurbanov zavoda nə qədər metal göndərib. Səlahiyyətsiz bir işçi olub”.

Məhkəmə prosesi oktyabrın 3-də davam edəcək.

Rasim Məmmədov ilk məhkəmə iclasında bildirmişdi ki, 2011-ci ildə Prezidentin şəxsi mühafizə xidmətinin rəisi Bəylər Əyyubov və Prezident Administrasiyasının rəhbəri Ramiz Mehdiyevlə üçlükdə söhbət edib, razılığa gəliblər. Onun sözlərinə görə, zavoddan konkret maaş almayıb. Gəlir üçlük arasında bölünüb, o da öz payını götürüb.

1976-cı il təvəllüdlü Rasim Məmmədov 2021-ci ilin yanvarından həbsdədir. O, Dövlət Təhlükəsizliyi Xidmətinin (DTX) istintaq təcridxanasında saxlanılır.

Rasim Məmmədov “Baku Steel Company” MMC-nin Müşahidə Şurasının sədri kimi, vəzifə səlahiyyətlərindən sui-istifadə edib, müəssisənin külli miqdarda pulunu mənimsəməkdə və israf etməkdə ittiham olunur.

Ona Cinayət Məcəlləsinin 179.4 (mənimsəmə və ya israfetmə, xüsusilə külli miqdarda ziyan vurmaqla törədildikdə), 193.3.2 (xüsusilə külli miqdarda gəlir əldə etməklə yalan sahibkarlıq), 308.2 (vəzifə səlahiyyətlərindən sui-istifadə emə, ağır nəticələrə səbəb olduqda) və 313-cü (vəzifə saxtakarlığı) maddələrilə ittiham verilib.

Bu maddələrdə 14 ilə qədər həbs cəzası nəzərdə tutulub.

Ekspert Elyar İslamoğlu şəhid Səbuhi Əhmədovun qardaşı Sənan Əhmədova qarşı edilmiş daha bir qanunsuzluqla bağlı məlumat paylaşıb.

DİA.AZ AzToday.az-a istinadla xəbər verir ki, Əmək və Əhalinin Sosial Müdafiəsi Nazirliyinin Sosial Xidmətlər Agentliyi pandemiya vaxtı Sənan Əhmədovun 190 manat almaq üçün etdiyi müraciəti də cavabsız qoyubmuş.

Belə ki, pandemiya zamanı ofisiant işləyən Sənan Əhmədov restoranlar bağlandığı üçün işsiz qalıb. Üstəlik həmin ərəfədə övladı da doğulub. Yeni doğulan övladının və ailəsinin ehtiyaclarını qarşılamağa məcbur olan, kirayədə yaşayan Sənan 190 manat yardım almaq üçün Əmək və Əhalinin Sosial Müdafiəsi Nazirliyinə, Sosial Xidmətlər Agentliyinə dəfələrlə müraciət etsə də, ona cavab belə verilməyib:

“Həmin o cavabsız müraciətlər bilirsiniz haçan cavablanıb?

Səbuhi şəhid olduqdan sonra, Sənan Sosial Xidmətlər Agentliyinə dəvət edilib. Ordakı əməkdaşlara pandemiya müddətində işsiz qaldığını, 190 manat üçün etdiyi müraciətlərə indiyədək sayıb cavab vermədiklərini, sübut üçün etdiyi müraciətləri göstərəndən sonra.

190 manatın ehtiyacı olmayan çoxsaylı şəxsə verildiyi ilə bağlı mətbuatda kifayət qədər sübutlar var idi. Amma Sənan kimi imkansız, uşaq evində böyüyən, kirayədə yaşayan ehtiyaclı şəxsə nəinki 190 manat, heç cavab da verilməyib”.

Azərbaycanımız daim inkişaf edir.İnkişafımız bütün sektorlarda özünü göstərir.İdmanda ,turizmdə,iqtisadiyyatda,təhsildə.Lakin bəzən elə hadisələrnən üz-üzə qalırsan ki,deyirsən niyə axı bu “insancıqlar”bu inkişafımızın üzərinə kölgə qoyurlar.

Insanlar öz yorğunluqlarını çıxarmaq üçün ,istirahət etmək üçün istirahət mərkəzlərinə,restaranlara üz tuturlar.Amma acgöz restaran sahibləri müştərinin əsəbi ilə oynayıb sonda da müştərini “girov”belə saxlamaqdan çəkinmirlər

Bu yaxınlarda “Sapfir”adlı məşhur restaranda müştərini nece aldadaraq pullarını mənimsədikləri haqda Aktualxeber.az -ın redaksiyasına şikayət daxil olub.Bu adı çəkilən məkanda sifariş edilən yeməklərdən əlavə yeməklər masaya düzülüb ki, sonda ağlasığılmaz hesab müştərini şoka salb.

Müştəri buna aydınlıq gətirilməsini istədikdə isə işçilər bunun onlara aidiyyatı olmadıqını bildriblər.Sanki bura Azərbaycan deyil və gələnlərdə bura vətəndaşı deyil.Müştərini girov saxlamaq nə deməkdir?Restaranın sahibi Əliyar adlı şəxs müştərini maşının içində saxlayıb ta ki,pul gəlib onların əlinə çatana kimi.Bu müştərinin cibinə girmək deyil bəs nədir???

Sonda onu da nəzərinizə çatdıraq ki,adı çəkilən məkan “Sədərək Yusif”ə məxsusdur.Görünən budu ki,Əliyar da Yusifə arxalanır.Bununla bağlı geniş araşdırmamız olacaq.

Qarşı tərəfin mövqeyini də dərc etməyə hazırıq. //Aktualxeber.az//

Xatırladaq ki, bu yaxınlarda aktualxeber.az saytında ““Azərişıq” ASC-nin milyonlar mənimsəyən məmuru” başlıqlı məqalə dərc etmişdik. Məqalədə qeyd etmişdik ki, hələ “Akkord”da əvvəlcə istehsalat departamentinin direktoru, sonra isə rəhbər işləyən zaman Kamil Hüseynov tərəfindən milyonlarla dövlət vəsaiti mənimsənilibdi. Bir faktı qeyd edək ki, Elçin Bədəlovun “Akkord”a rəhbərlik etdiyi dövrdə Azərbaycan Beynəlxalq Bankından götürülmüş yarım milyard manatdan çox kredit bölgələrdə müxtəlif layihələr adıyla su-kanalizasiya departamentinin rəhbəri Fariz Cəmilli və istehsalat departamentinin direktoru Kamil Hüseynov tərəfindən mənimsənilmişdi. Kreditlərin qaytarılması məsələsi gündəmə gələndə isə şirkət çətin vəziyyətə düşmüşdü və orada yoxlamalar başlamışdı. Qeyd edilir ki, yoxlamalar ilk olaraq kreditin ən çox mənimsənildiyi su-kanalizasiya və istehsalat departamentlərində başlayıb və külli miqdarda yeyinti faktları aşkarlanmışdı. Təsəvvür edin ki, təkcə Şəmkir layihəsinin anbarında 300 min manatlıq material əskikliyi aşkar edilmişdi. Ümumilikdə isə departamentdə 20 milyon manata yaxın yeyinti aşkar olunmuşdu.
“Akkord” şirkətində şok korrupsiya faktları barədə ölkə mətbuatı hələ 2014 -ci ildə silsilə məqalələr yazmışdı. Belə ki, həmin yazılarda Elçin Bədəlovun və Kamil Hüseynovun adı “Akkord”da baş vermiş çoxsaylı maliyyə yeyintilərində əsas fiqurlar olaraq çəkilirdi. Aktualxeber.az-a danışan mənbəmiz bildirir ki, “Akkord” şirkətində aparılan audit yoxlamalarından sonra Elçin Bədəlov, təhqiqat departamentinin direktoru Şahin Məmmədov, su-kanalizasiya departamentinin direktoru Fariz Cəmili, infrastruktur departamentinin direktoru İlqar Budaqov, kadrlar departamentinin direktoru Səbinə Feyzova işdən çıxarılsalar da, Kamil Hüseynov “Akkord” şirkətlər qrupunun baş direktoru vəzifəsinə təyin olunub. Bu təyinatın özü geniş bir müzakirə mövzusu olduğundan daha geniş məqaləmizi bəzi dəqiqləşdirmələrdən sonra oxucularımıza təqdim edəcəyik.
Bir maraqlı məqamı da qeyd edək ki, son zamanlar “Azərişıq” ASC-nin sədri Vüqar Əhmədovun müşaviri olan Kamil Hüseynov bu gün öz qanunsuz əməllərini orada davam etdirməkdədir. V.Əhmədovla tələbə yoldaşı və yaxın dost olan K.Hüseynov “Azərişıq” ASC-də əsas söz sahiblərindəndir. Bütün tenderlərə və layihələrə birbaşa nəzarət edən müşavir müxtəlif maxinasiyalarla “Azərişıq” ASC-də milyonlarla vəsait mənimsəməkdədir.Deyilənə görə Vüqar Əhmədovun bütün qaranlıq işlərini bu şəxs yerinə yetirir. Hardan bilmək olar ki, V.Əhmədovu Elçin Bədəlovun taleyi gözləmir. Bir gün eşitsək ki, “Azərişıq” ASC-nin rəhbəri Kamil Hüseynovdur, heç də təəccüblənmərik.
Qarşı tərəfi də dinləməyə hazırıq. //aktualxeber.az//